Lukas 16:17 - Porjanjian Boharu Torjomahan Baso Dilakng Soari-ari

¹⁷ Apo, boko Porintah Allah totap bolaku. Biar pan langit ongko bumi mungkitn ulih hilakng, apo Hukupm Torat kinyo paca'an mungkitn ado bagian kotakng kocit pan inyo tajahan balakng.

Lukas 16:17 ပူးပေါင်းရင်းမြစ်များ

Matius 5:18

Dinga'anbo ni'in: Somanah ija' ado langit huatan bumi, co nyiant la'apo pan inyo paca'an dihilakan doi' Hukupm Torat, biar pan sobuti' hurup damo sobuti' titik, sampai somuonyo tojadi.

Lukas 21:33

Pocayocam pomandiran-Ku, obai biar pan langit ongko bumi paca'an boahir, pomandiran-Ku totap somanah-manahnyo.”

1 Petrus 1:25

Apo, Pomandiran Tuhatn tahatn sampai somanah-manahnyo.” Boko somadikan, Pomandiran Tuhatn Allah nantai am Kabar Boi' inyo udah diboritoan ko kaitn.

Roma 3:31

Aman kito monjadi bondar obai kito pocayo, apobai nantai boroti kito bopikir obai Hukupm Torat kinyo ado gunonyo? Samo sokali cado! Sobali'nyo justru obai kito pocayo, jadi kito monuruti la'apo inyo Allah masud agatn moonju' Hukupm Torat.

Wahyu 21:4

Sio paca'an mohapus somuo ara'i mato doi' mato sia'. Boko urakng kinyo paca'an mati agi', kinyo paca'an bulikng agi', kinyo paca'an monangis agi', kinyo paca'an mooso kompodihan agi'. Obai, boko hal inyo manah nantai udah dihilakanam.”

Wahyu 21:1

Lopas nian aku moniant ado langit inyo boharu ongko bumi inyo boharu. Obai langit potamo ongko bumi potamo udah lonyap am. Lout pan conyiant.

Wahyu 20:11

Lopas nian, aku moniant tahta putih inyo bosar. Aku moniant Sio inyo dudu' di pucu'nyo. Soluruh langit ongko bumi lonyap doi' pohadapan-Nyo huatan kinyo ditomuan agi' tompatnyo.

2 Petrus 3:10

Tuhatn pasti datakng huatan kodatakan-Nyo nantai samo sama'an pongolit. Kinyo ado urakng inyo tohu arinyo. Pado ari nantai paca'an ado bunyi inyo hebat huatan co paca'an ado langit agi'. Somuo hal inyo ado di langit paca'an lobur tocucul. Bumi huatan somuo hal inyo ado di dalapmnyo paca'an hilakng lonyap jam.