Lukas 16:16 - Porjanjian Boharu Torjomahan Baso Dilakng Soari-ari

¹⁶ Komai urakng bolajar kohonda' Allah doi' boko buku porintah huatan poraturan Allah inyo ditulis Musa dalapm Hukupm Torat. Boko urakng pan bolajar doi' boko buku inyo ditulis boko nabi. Apo, doi' ija' Yohanes Pombaptis mo, borito boi' mongonaꞌi Koraja'an Allah diboritoan, Rajo Inyo Dijanjian Allah udah datakng. Sotiap urakng bousaha koras pakai' mansu' ko dalapm Korajaan-Nyo.

Lukas 16:16 ပူးပေါင်းရင်းမြစ်များ

Matius 10:7

Boritoancam ko sia' nantai: Koraja'an Sorugo udah dampikam.

Matius 15:11

Dinga'an huatan mongoroti cam ni'inan: boko hal inyo mansu' ko dalapm nyao kinyo bulah boko urakng monjadi campah. Apo boko hal inyo koluar doi' nyao, nanam inyo bulah boko urakng monjadi campah bukakng-tubuhnyo.”

Matius 3:2

“Koraja'an Sorugo udah dampikam! Jadi, botongga'cam kaitn bulah dosa ongko kaitn monyonangan hati Allah.”

Matius 4:17

Doi' watu nantai, Yesus mula'i momboritoan. Kato Sio, “Koraja'an Sorugo udah dampikam! Jadi, botongga'cam kaitn bulah dosa ongko monyonangan Allah.”

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Markus 1:14

Lopas Yohanes ditangkap ongko dimansu'an ko ponjara, Yesus botula' ko propinsi Galilea, momadahan Kabar Boi' doi' Allah.

Markus 1:45

Apo, urakng nantai botula' kinyo botongga' momboritoan kojadian nantai di mono-mono. Obai nantai, Yesus culih mansu' ko dalapm kota agi' socaro torakng-torakan. Sio gola' diapm di luar di tompat inyo langunt. Apo, urakng torus bodatakan ko Sio doi' mono-mono.

Lukas 10:11

‘Koi tinggalan kota kaitn ni'in, sampai dobu inyo botangkil di kaki koi, koi borosihi! Nian pakai' momporingant'i kaitn tajahan dihukupm Allah obai monula' koi! Apo kotohu'icam ni'in: Allah paca'an monjadi Rajo pakai' kaitn!’

Lukas 10:9

Nyamani boko urakng inyo boponyakit di kota nantai. Pandiran ko boko urakng di santai, ‘Ni'innam watunyo Allah monjadi Rajo pakai' kaitn.’

Lukas 16:29

Apo Abrahapm bopandir ko urakng dampu nantai, ‘Boko somadikan kolai udah mondingaꞌ isi boko buku inyo ditulis Musa huatan boko nabi bukai. Sia' gola' borotian huatan monuruti somuo inyo totulis di boko buku nantai.’

Lukas 16:31

Apo Abrahapm bopandir, ‘Aman boko buku Musa huatan boko nabi kinyo cukup pakai' bulah sia' tongga' bulah dosa huatan hidup monyonangan hati Allah, pasti sia' pan paca'an kinyo pocayo biar pan siku' urakng hidup agi' doi' komatian.’ ”

Lukas 9:2

Lalu, Sio moutus sia' pakai' monyamani boko urakng ongko momboritoan kabar mongonaꞌi Koraja'an Allah.

Yohanes 1:45

Filipus botomu agatn Natanael. Katonyo ko io, “Koi udah monomuan Sio inyo doi' joman komai udah Musa sobut di dalapm Buku Torat, Sio inyo udah boko nabi sobut'an dalapm boko buku sia' jam. Ia'an, Yesus ana' Yusuf. Sio doi' laman Nazaret.”

Yohanes 11:48

Aman kito hala mombiaran Sio, somuo urakng paca'an pocayo agatn-Nyo. Sio paca'an monjadi rajo sia'. Jadi boko urakng Roma inyo monguaso'i kito ni'in, sia' paca'an mohancuran Rumah Allah kito huatan soluruh banso kito.”

Yohanes 12:19

Ongko boko pomimpitn agama Yahudi doi' kolompok Farisi, sia' bopandir siku'-monyiku', “Kito samo sokali kinyo ulih morarakng sia'. Porotianbo! Somuo urakng botula' tuyut Sio!”

Yohanes 5:4

Obai, sowatu-watu ado molekat Tuhatn inyo turutn lalu monggolumbakan ara'i di kolapm nantai. Sopo ja' inyo lobih holu mansu' ko dalapm ara'i nantai lopas jadi digolumbaki, lalu urakng nantai nyamanam doi' ponyakit la'apo pan.]

Kisah Boko Rasul 3:18

Apo agatn caro nantai, Allah monopat'i pomandiran-Nyo inyo udah disampaian ko boko nabi watu joman komai. Boko nabi nantai udah monulis obai Rajo Inyo Dijanjian Allah nantai gola' ajab sonsaro sampai mati.