Lukas 15:8 - Porjanjian Boharu Torjomahan Baso Dilakng Soari-ari

⁸ Yesus molajuan mongajar agatn poumpamoan ni'in. “Soumpamonyo ado botina' inyo bisi sopuluh pingkai' duit pira'. Aman io kohilakan sopingka'i, pasti io paca'an monokil pompolitoan lalu monyapu somuo rumahnyo pakai' monggoyapi duit nantai sampai io monomuannyo.

Lukas 15:8 ပူးပေါင်းရင်းမြစ်များ

Matius 5:15

Damo samo sama'an pompolitoan. Aman ado urakng inyo monokil pompolitoan, io kinyo monungkau'inyo agatn roga'. Sobali'nyo, io molota'annyo di tompat tobuka' oca' monoraki somuo urakng di dalapm rumah nian.

Lukas 15:7

Nah, porotiancam ni'in: samo ubo nantai jam, Allah huatan boko molekat di sorugo kotakng rindakng aman siku' urakng tongga' bulah dosa lalu hidup monyonangan Allah, daripado sombilatn puluh sombilatn urakng inyo kinyo tohu tongga' bulah dosa.”

Lukas 15:9

Watu io monomuannyo, io kotakng rindakng, moningkau somuo kawal ongko totangganyo, ongko bopandir, ‘Huncapm kito rindakng-ramai. Duitku inyo hilakng udah kotomuan agi'!’

Lukas 19:10

Ana' Monsio datakng pakai' monggoyapi ongko monyolamant'an urakng inyo bodosa.”

Yohanes 10:16

Apo ado jam boko domba bukai inyo bukainyo doi' kabatn domba ni'in inyo umputn-Ku. Aku gola' mombaba' sia' jam. Sia' paca'an mondinga'an saro-Ku. Somuo domba-Ku paca'an monjadi sokabatn agatn siku' pongombolo.

Yohanes 11:52

Bukainyo pakai' banso nantai ja', apo Sio mati oca' somuo poana'an Allah inyo topisah-pisah somuonyo, ulih bokumpul monjadi satu.

Kisah Boko Rasul 19:19

Banya' jam doi' sia' inyo kalo molabuhan boko ponohu. Sia' nantai mongumpulan boko buku ponohu sia' ongko moncuculnyo dihadapan somuo urakng. Rogo boko buku nantai dihitukng. Jumlahnyo kiro-kiro lima' puluh ribu kopikng duit pira'.

Efesus 2:17

Kristus udah datakng momboritoan obai boko urakng ulih bodamai agi' agatn Allah. Sio momboritoan nantai ko kaitn boko urakng bukainyo Yahudi inyo jouh doi' Allah ongko ko sia'boko urakng Yahudi inyo dampikng.