Lukas 15:7 - Porjanjian Boharu Torjomahan Baso Dilakng Soari-ari

⁷ Nah, porotiancam ni'in: samo ubo nantai jam, Allah huatan boko molekat di sorugo kotakng rindakng aman siku' urakng tongga' bulah dosa lalu hidup monyonangan Allah, daripado sombilatn puluh sombilatn urakng inyo kinyo tohu tongga' bulah dosa.”

Lukas 15:7 ပူးပေါင်းရင်းမြစ်များ

Matius 18:13

Dinga'anbo! Aman io bohasil monomuan domba nantai, pasti io paca'an kotakng rindakng. Io paca'an lobih rindakng obai mondapat'an siku' domba nantai daripado sombilatn puluh sombilatn iku' domba inyo kinyo sosat.

Matius 3:8

Kaitn gola' molabuhan porbuatan inyo bondar pakai' monunju'an obai kaitn bondar-bondar moninggalan dosa.

Lukas 15:10

Nah, porotiancam ni'in: samo sama'an nantai jam, Allah huatan boko molekat di sorugo kotakng rindakng aman siku' urakng botongga' bulah dosa lalu hidup monyonangan Allah.”

Lukas 15:29

Apo io bopandir, ‘Botohutn-tohutn manahnyo aku bokorojo humpas-pulas pakai' duatn Bopai. Aku hala monaati porintah duatn Bopai. Apo duatn Bopai bolupm kalo moonji'i siku' kambikng pan pakai' aku rindakng-ramai agatn pokawalanku!

Lukas 15:32

Apo kito gola' bulah pogai huatan rindakng-ramai, obai adikng kolai nantai ubonyo udah mati, apo ni'in hidup agi' Io udah hilakng, apo ni'in udah kotomuannam.’ ”

Lukas 15:6

Io moningkau somuo kawal ongko totangganyo, lalu bopandir, ‘Huncapm kito rindakng-ramai. Dombaku inyo hilakng udah kotomuannam!’

Lukas 15:8

Yesus molajuan mongajar agatn poumpamoan ni'in. “Soumpamonyo ado botina' inyo bisi sopuluh pingkai' duit pira'. Aman io kohilakan sopingka'i, pasti io paca'an monokil pompolitoan lalu monyapu somuo rumahnyo pakai' monggoyapi duit nantai sampai io monomuannyo.

Lukas 16:15

Apo Yesus bopandir ko sia', “Kaitn bousaha oca' di hadapan urakng bukai kaitn kotiat'annyo boi' huatan hala bondar. Apo Allah tohu isi hati kaitn inyo sobondarnyo jahat. Banyaꞌ hal inyo dirogo'i ulih monsio, kinyo dirogo'i ulih Allah.

Lukas 5:32

Aku kinyo datakng pakai' moningkau kaitn inyo moanggap dirinyo bondar. Apo Aku datakng pakai' moningkau boko urakng moninggalan boko dosanyo oca' ulih diamputi.”

Roma 7:9

Komainyo aku hidup kinyo bohukupm Torat. Apo, pas-udah aku tohu porintah nantai, kuaso dosa ulih bokorojo mombulah aku somongkitn molawatn Allah samo halnyo kuaso dosa nantai mula'i hidup