Lukas 15:6 - Porjanjian Boharu Torjomahan Baso Dilakng Soari-ari

⁶ Io moningkau somuo kawal ongko totangganyo, lalu bopandir, ‘Huncapm kito rindakng-ramai. Dombaku inyo hilakng udah kotomuannam!’

Lukas 15:6 ပူးပေါင်းရင်းမြစ်များ

Lukas 1:58

Boko totangga ongko boko koluarga bosar mondingaꞌ borito nantai, borito koboi'an Tuhatn inyo luar biaso ko Elizabet. Jadi, sia' kotakng rindakng sosamo agatn io.

Lukas 15:10

Nah, porotiancam ni'in: samo sama'an nantai jam, Allah huatan boko molekat di sorugo kotakng rindakng aman siku' urakng botongga' bulah dosa lalu hidup monyonangan Allah.”

Lukas 15:24

Obai ubonyo ana'ku ni'in udah mati, apo ni'in hidup agi'. Io udah hilakng, apo ni'in ditomuan agi'.’ Lalu labuh am sia' pogai.

Lukas 15:5

Watu io monomuannyo, io kotakng rindakng, mounjakan domba nantai di pucu' bohunyo, mombaba'nyo pulakng.

Lukas 15:7

Nah, porotiancam ni'in: samo ubo nantai jam, Allah huatan boko molekat di sorugo kotakng rindakng aman siku' urakng tongga' bulah dosa lalu hidup monyonangan Allah, daripado sombilatn puluh sombilatn urakng inyo kinyo tohu tongga' bulah dosa.”

Yohanes 15:14

Kaitn nam boko pokawalan-Ku, ia'an aman kaitn molabuhan la'apo inyo Ku porintahan ko kaitn.

Yohanes 3:29

Pongantitn botina' ia'an umputn pongantitn lolaki. Kawal pongantitn lolaki nantai bayo bodiritn mondampiki huatan mondinga'an, huatan io sonang aman mondinga'an saro pongantitn lolaki. Sama'an nian jam agatn aku. Watu ni'in aku sonang bondar.

Kisah Boko Rasul 11:23

Pas Barnabas tuntukng ko su'utn, io moniant caro kohidupan sia' borubah obai Allah bulah koboi'an ko sia'. Obai nantai Barnabas mooso kotakan rindakng. Io monguat'an hati sia' oca' sia' somuo totap pocayo huatan monaati ko Tuhatn Yesus agatn soponuh hati.

Kisah Boko Rasul 15:3

Jadi jomaat di Antiokhia nantai moonju'an sia' sampai ko luar kota. Ongko sia' molajuan pojalatan ko Yerusalem. Sia' molalu'i doerah Fenisia ongko Samaria. Di boko doerah nantai, sia' mongisahan ko boko urakng pocayo di santai, obai banya' urakng inyo bukainyo Yahudi udah monjadi pocayo agatn Yesus. Borito nantai monyonangan hati boko urakng pocayo di santai.

Filipi 1:4

Sotiap kali aku bodoa pakai' kaitn somuo, aku hala bodoa agatn sonang-nyamanam.

Filipi 2:17

Apo, aku tajahan totap sonang-nyamanam aman aku dibunuh. Obai, kaitn pocayo ko Kristus ongko hidup molayati-Nyo. Kaitn monjadi samo sama'an kurbatn posombahan ko Allah. Aman aku dibunuh, rotinyo darahku ditumpahan di pucu' posombahan kaitn nantai. Jadi, aku sonang-nyamanam ongko aku tuyut sonang-nyamanam jam agatn kaitn.

Filipi 4:1

Obai nantai, boko somadikan inyo ku kasihi, kaitn gola' totap kuat pocayo agatn Yesus. Aku togonangan kaitn somuo. Kaitn mombulahku sonang-nyamanam. Aku sonang obai kaitn ia'an hasil polayatanku samo sama'an mahkota inyo ku dapat.

1 Tesalonika 2:19

Koi kotakan togonang honda' botomu kaitn obai kaitn bulah koi bangga huatan rindakng-rigah, timpu kodatakan Yesus.

1 Petrus 2:10

Komai, kaitn bukainyo boko urakng umputn Allah. Apo ni'in kaitn udah monjadi boko urakng umputn-Nyo. Komai, Allah co monunju'an koboi'an-Nyo ko kaitn. Apo ni'in Allah udah monunju'an koboi'an-Nyo ko kaitn.

1 Petrus 2:25

Komai, kaitn samo sama'an domba inyo sosat. Apo ni'in kaitn udah tuyut Kristus. Sio samo sama'an gombala inyo molinduki jiwa kaitn.