Lukas 15:29 - Porjanjian Boharu Torjomahan Baso Dilakng Soari-ari

²⁹ Apo io bopandir, ‘Botohutn-tohutn manahnyo aku bokorojo humpas-pulas pakai' duatn Bopai. Aku hala monaati porintah duatn Bopai. Apo duatn Bopai bolupm kalo moonji'i siku' kambikng pan pakai' aku rindakng-ramai agatn pokawalanku!

Lukas 15:29 ပူးပေါင်းရင်းမြစ်များ

Wahyu 3:17

Kaitn bopandir, ‘Koi cukup dampu. Koi udah mongumpulan banya' kodampuan. Koi conyiant ado kokurakan la'apo pan.’ Apo kaitn co sadar obai sobondarnyo socaro rohani kaitn conyiant ado aponyo. Kaitn molarat, sonsaro, jaro, buto, kolanjakng!

Wahyu 2:17

Sopo pan inyo ulih mondinga', kohonda'nyo io momporhatian somuo pomandiran Roh Allah ko boko jomaat. Ko boko urakng inyo monang, Aku paca'an moonju' doi' pomakatn bodamoan manna inyo kinyo kotohuan di mono tompatnyo. Aku pan paca'an moonji'i sobuah batu putih ko sia' siku'-monyiku'. Di batu nantai totulis damo boharu, inyo kinyo dikotohu'i urakng bukai. Bayo urakng inyo monorima' batu nantaiam paca'an mongotohu'i damo nantai.”

Roma 10:3

Sia' co mongoroti caronyo Allah mombulah monsio monjadi bondar di hadapan-Nyo, ongko sia' moncubo monjumpati caro sia' siku'. Jadi, sia' co honda' monorima' caro inyo ditontuan Allah nantai.

Roma 7:9

Komainyo aku hidup kinyo bohukupm Torat. Apo, pas-udah aku tohu porintah nantai, kuaso dosa ulih bokorojo mombulah aku somongkitn molawatn Allah samo halnyo kuaso dosa nantai mula'i hidup

Lukas 19:21

obai aku gola' agatn duatn. Duatn urakng inyo kojapm. Duatn monguti' la'apo inyo sobondarnyo kinyo umputn duatn. Duatnbodapat untukng doi' pogota'an urakng bukai samo samaꞌan urakng inyo monguti' hasil lakau doi' lakau inyo kinyo io tanam.’

Lukas 18:9

Di santai ado boboropo urakng inyo buhau. Sia' yakitn obai diri sia' siku' bondar. Sia' pan ngombabahan urakng bukai. Jadi, Yesus bokisah agatn sia',

Lukas 17:10

Ubo nian jam agatn kaitn. Aman kaitn udah molabuhan somuo inyo diporintahan ko kaitn, pandirancam, ‘Koi boko hulutn mo. Koi kinyo cucu' bodapat pujian damo torima' kasih. Koi bayo molabuhan tugas inyo memang gola' koi labuhan.’ ”

Lukas 15:7

Nah, porotiancam ni'in: samo ubo nantai jam, Allah huatan boko molekat di sorugo kotakng rindakng aman siku' urakng tongga' bulah dosa lalu hidup monyonangan Allah, daripado sombilatn puluh sombilatn urakng inyo kinyo tohu tongga' bulah dosa.”

Matius 20:12

Koi udah bokorojo koras soarian bopodi'. Apo Duatn mombayar upah sia' samo agatn koi!’

Roma 3:27

Aman sama'an nian, apobai monsio ulih moninggian diri obai io monjadi bondar di hadapan Allah obai porbuatannyo siku'? Samo sokali cado! Sobab, nantai tojadi bukai obai porbuatannyo siku', apo obai io pocayo ko Yesus.

Roma 3:20

Kinyo ado urakng inyo ulih monjadi bondar di hadapan Allah agatn caro monaati Hukupm Torat. Justru Hukupm Torat inyo mombulah urakng sadar obai sia' bodosa obai sia' kinyo ulih monaati soluruh Hukupm Torat nantai.

Lukas 15:28

Ana' inyo kojula'an nantai tomaho godi bondar sampai io bolai' mansu' ko rumah. Ongko bopainyo koluar pakai' mongkongkanti'i oca' io mansu'.

Lukas 15:30

Ana' duatn nantai udah mohabisan kodampuan duatn Bopai agatn botina' lahukng, apo kali io pulakng, Bopai monyombolih ana' sapi inyo gomu' pakai' io!’