Lukas 15:28 - Porjanjian Boharu Torjomahan Baso Dilakng Soari-ari

²⁸ Ana' inyo kojula'an nantai tomaho godi bondar sampai io bolai' mansu' ko rumah. Ongko bopainyo koluar pakai' mongkongkanti'i oca' io mansu'.

Lukas 15:28 ပူးပေါင်းရင်းမြစ်များ

Lukas 15:2

Di santai jam ado boko pomimpitn agama doi' kolompok Farisi ongko boko guru poraturan agama Yahudi. Sia' botuta', kato sia', “Ih, Urakng ni'in bokawal agatn boko urakng inyo kinyo boi'. Malahan io makatn samoan sia'!”

Lukas 7:39

Urakng Farisi inyo mohundakng Yesus moniant porbuatan botina' nantai. Ongko, bopandir dalapm hatinyo, “Aman Sio bondar-bondar nabi, soharusnyo Sio tohu mongonaꞌi kohidupan botina' ni'in. Botina' inyo hidup dalapm dosa!”

Kisah Boko Rasul 14:2

Apo ado boko urakng Yahudi inyo kinyo pocayo. Sia' mohadu boko urakng bukainyo urakng Yahudi oca' kinyo pocayo jam. Jadi, boko urakng nantai kotakan godi agatn boko urakng inyo pocayo.

Kisah Boko Rasul 13:45

Apo watu boko urakng Yahudi moniant urakng banya' nantai, sia' monjadi kotakan tungi. Sia' mohayam Paulus. Sia' jam monikaki la'apo inyo diajarannyo.

Lukas 24:47

Lalu agatn kuaso-Nyo tajahan diboritoan kabar obai urakng gola' tongga' bulah dosa lalu monyonangan hati Allah, ongko dosa sia' tajahan diamputi. Borito ni'in gola' disampaian, mula'i doi' kota Yerusalem lalu ko somuo banso bukai di dunia.

Lukas 13:34

Lalu Yesus bopandir kotakan salu', “Ihai, boko urakng Yerusalem. Allah moutus boko nabi ko kaitn, apo kaitn monikapi sia' agatn batu sampai mati. Aku honda' hala molinduki kaitn, samo sama'an indai manu' inyo molinduki boko ana'nyo di babah sayapnyo. Apo, kaitn monula'.

Lukas 5:30

Apo boko urakng Farisi ongko boko guru agama Yahudi botuta'-bomamai. Sia' bopandir ko murid Yesus, “Ma'apo kaitn makatn-minum bokawal agatn ponagih pajak ongko boko urakng bukai inyo bodosa? Nian salah!”

Matius 20:11

Jadi, lopas sia' monorima', sia' botuta' ko urakng umputn kobutn nantai. Kato sia', ‘Sia' inyo dudi datakng nantai sampat bokorojo so japm mo.

1 Tesalonika 2:16

obai sia' bousaha monongga'an koi oca' co momboritoan Kabar Boi' ko urakng inyo bukainyo urakng Yahudi. Sia' kinyo honda' kaitn inyo bukainyo urakng Yahudi disolamant'an! Agatn boko porbuatan nantai, sia' torus-monorus monambah dosa sia' udah langkukng-lalu ongko. Ni'in, koponsuahannyo Allah pan godi. Pasti sia' paca'an dihukupm kotakng borat.

2 Korintus 5:20

Koi ni'in ia'an boko utusan Kristus. Molalu'i koi Allah siku' tontu-sama'an inyo moningkau urakng. Jadi, atas damo Kristus, koi momuhun, “Bodamaicam agi' agatn Allah.”

Roma 10:19

Apo, aku botakutn: Apobai urakng Israel kinyo mongoroti kabar nantai? Pasti sia' ulih mongoroti! Mulonyo ado pomandiran Allah ni'in inyo disampaian Musa ko banso Israel: “Aku tajahan bulah kaitn monjadi hiri agatn boko banso bukai inyo co mongonal Aku. Ongko Aku mombulah kolai godi agatn banso inyo kinyo mongoroti la'apo pan.”

Kisah Boko Rasul 14:19

Lopas nian boboropo urakng Yahudi doi' Antiokhia huatan Ikonium datakng ko santai. Sia' moyakit'an banya' urakng di kota Listra nantai oca' kinyo pocayo agatn pomandiran Paulus. Ongko sia' monikapm Paulus agatn batu pakai' mombunuh io. Watu sia' bopikir Paulus udah mati, sia' mombuakan bukakngnyo ko luar kota nantai.

Kisah Boko Rasul 13:50

Apo boko urakng Yahudi mohadu boko urakng pontikng di kota nantai, tomansu' boko botina' inyo bopongaruh udah mansu' agama Yahudi. Boko urakng pontikng nantai bulah urakng bukai mondorako'i Paulus ongko Barnabas. Koponsuahannyo, Paulus ongko Barnabas ditundukng doi' doerah nantai.

Markus 1:40

Ado urakng inyo boponyakit kulit inyo bogola'i datakng ko Yesus. Sio tundu' monyungkapan di pohadapan Yesus lalu muhun. Katonyo, “Tulukng nyamaniku. Aman Duatn honda', Duatn ulih mo monyamaniku.”

Lukas 15:27

Hulutn nantai monimbas, ‘Adikng Habakng udah pulakam! Bopai Habakng udah monyiuh monyombolih ana' sapi inyo gomu', obai io udah mondapat'an agi' ana'nyo dalapm koadaan solamant!’

Lukas 15:29

Apo io bopandir, ‘Botohutn-tohutn manahnyo aku bokorojo humpas-pulas pakai' duatn Bopai. Aku hala monaati porintah duatn Bopai. Apo duatn Bopai bolupm kalo moonji'i siku' kambikng pan pakai' aku rindakng-ramai agatn pokawalanku!