Lukas 15:19 - Porjanjian Boharu Torjomahan Baso Dilakng Soari-ari

¹⁹ Kinyo cucu' agi' aku disobut ana' duatn Bopai. Anggapcam aku siku' urakng inyo bokorojo ko duatn Bopai.’

Lukas 15:19 ပူးပေါင်းရင်းမြစ်များ

Lukas 5:8

Somuo nolayatn di santai hiratn obai banya' bondar sia' bulih ikatn. Ado di antaronyo kawal Simon di santai bodamoan Yakobus agatn Yohanes, poana'an Zebedeus. Moniant kuaso Yesus doi' Allah, Simon mooso kinyo cucu'. Io lansukng tundu' dihadapan Yesus. Kato io, “Jouhan diri Duatn doi' si'itn! Tinggalan aku obai aku urakng bodosa.” Apo Yesus bopandir ko io, “Jangan gola'. Sokomai kolai ponjalo ikatn, apo mula'i ari ni'in jam kolai Ku jadian ponjalo monsio pakai' jadi murid-Ku.”

1 Petrus 5:6

Obai nantai, kaitn gola' tundu' ko Tuhatn inyo bokuaso. Agatn ubo nian, Sio paca'an bulah kaitn monjadi tohormat watu inyo ditontuan-Nyo.

1 Korintus 15:9

Obai, di antaro somuo rasul, aku inyo palikng nyiant pasalnyo. Aku kinyo cucu' disobut rasul, obai komainyo aku mondorako'i boko urakng inyo pocayo ko Yesus.

Lukas 15:18

Aku paca'an pulakng huatan botula' ko bopaiku, huatan bopandir ko sio: Bopai, aku udah bodosa tohadap Allah huatan tohadap Bopai.

Lukas 15:20

Lalu botula'am io pulakng ko bopainyo. Watu io ija' jouh doi' rumah, bopainyo udah moniant io. Agatn kotakng salu' bopainyo bonggidi'an monomu'inyo, ongko mongolu'i huatan monciupmnyo.