Lukas 15:17 - Porjanjian Boharu Torjomahan Baso Dilakng Soari-ari

¹⁷ Koponsuahannyo io sadar kolaku'annyo kotakng salah nantai. Io bopandir, ‘Boko urakng inyo bokorojo ko bopaiku botuyu' pomakatnnyo, apo aku di si'itn honda' mati longkapam!

Lukas 15:17 ပူးပေါင်းရင်းမြစ်များ

Lukas 15:16

Io kotakng kolaparan sampai honda' bopua' pomakatn boko babi nantai. Biar pan io kotakng kolaparan, conyiant siku' pan inyo moonji'inyo pomakatn.

Lukas 16:23

Urakng dampu nantai mansu' ko noraka. Io kotakng ajab sonsaro. Io monongadah ko pucu', moniant Abrahapm doi' jouh. Io pan moniant Lazarus di totai Abrahapm.

Lukas 8:35

Datakam boko urakng pakai' bontiatannyo. Watu sia' datakng di santai, bontomu agatn urakng inyo udah dibebasan doi' boko roh jahat. Io dudu' totai kaki Yesus, udah bobanggi-bopakaian huatan udah warasam. Sia' jadi sadar Yesus kotakng bokuaso. Sia' pan topogola'.

Kisah Boko Rasul 12:11

Watu nantai jam, Petrus monjadi sadar la'apo inyo udah tojadi. Katonyo, “Ni'inan aku tohu ni'in bondar-bondar tojadi. Tuhatn Allah udah mongiripm molekat-Nyo ko aku. Sio monyolamant'an aku doi' kuaso Herodes. Herodes honda' mohukupm mati aku. Boko pomimpitn Yahudi pan mongohonda'i hal nantai paca'an tojadi. Apo Tuhatn Allah monyolamant'an aku doi' somuonyo nantai.”

Kisah Boko Rasul 2:37

Timpu urakng banya' mondinga' hal nantai, hati sia' sangant monyosal. Sia' botakutn ko Petrus ongko boko rasul bukai, “Boko somadikan, la'apo inyo gola' koi labuhan?”

Efesus 5:14

Nantaiam sobabnyo ado pomandiran ni'in, “Oi kulo inyo tidu', huascam! Kulo inyo mati, bobali' hidup cam! Kristus paca'an bosinar ko kulo.”