Lukas 15:15 - Porjanjian Boharu Torjomahan Baso Dilakng Soari-ari

¹⁵ Lalu io hingkas bokorojo ko siku' urakng pondudu' di santai. Urakng nantai monyiuhnyo ko lakau mongombolo babinyo.

Lukas 15:15 ပူးပေါင်းရင်းမြစ်များ

Titus 3:3

Komai sobolupm kito pocayo kito co tohu jam caro hidup inyo boi' sama'an sia'. Kito co taat jam agatn Allah. Kito dikotumbuki boko hal inyo jahat. Kohonda' ongko kosonangan di dunia ni'in monguaso'i kito. Kito hala bulah kojahatan ongko hala tungi agatn urakng bukai. Kito bonci' agatn urakng bukai ongko urakng bukai pan bonci' agatn kito.

Roma 6:22

Apo watu ni'in, kaitn udah bebas doi' kuaso dosa. Kaitn monjadi hulutn Allah. Kaitn ulih hidup borosih doi' dosa. Caro hidup nantai ado hasil, ia'an kaitn mondapat'an hidup inyo kokal.

Lukas 15:13

Boboropo ari lopas nantai ana' kobunsuan nantai monjual boko pombagiannyo nantai ongko botula' ko nogori inyo jouh. Di su'utn io momborosan duitnyo agatn hidup bopoya-poya.

Matius 7:6

“Jangan dionju' ko boko kudu' sosuatu inyo husus pakai' umant Allah. Aman kaitn molabuhan nantai, boko kudu' nantai paca'an bobali' ongko moraso kaitn. Jangan onju' mutiara ko boko babi. Aman kaitn molabuhan nantai, boko babi nantai bayo paca'an mononja'-nonja' mutiara nantai.”

Lukas 15:14

Pas duitnyo nyiantam, di nogori nantai tongahan musipm lapar-barau. Jadi, io udah culih momboli la'apo pan pakai' kopontikan hidupnyo.

Lukas 15:16

Io kotakng kolaparan sampai honda' bopua' pomakatn boko babi nantai. Biar pan io kotakng kolaparan, conyiant siku' pan inyo moonji'inyo pomakatn.