Lukas 14:35 - Porjanjian Boharu Torjomahan Baso Dilakng Soari-ari

³⁵ Garapm nantai kinyo boguno agi' pakai' bulah lakau subur. Kinyo boguno jam pakai' bulah pupuk. Kinyo boguno samo sokali. Jadi, garapm nantai dibuakan ja'. Aman honda' mongoroti masud doi' pomandiran-Ku, gola' momportimbakan boboi' somuo inyo hoyu' kaitn dinga'.”

Lukas 14:35 ပူးပေါင်းရင်းမြစ်များ

Matius 11:15

Aman bokolindakan, dinga'an pomandiran-Ku agatn boi'.

Matius 13:9

Aman bokolindakan, “Dinga'an pomandiran-Ku agatn boi'!”

Markus 4:23

Sopo bokolindakan, dinga'an cam pomandiran-Ku agatn boi'.”

Lukas 13:8

Apo ponjago kobutn bopandir, ‘Bopai, biaram kayu ni'in totap hidup sotohutn agi'. Aku paca'an monyangkul tanah sokolilikngnyo ongko moonji'inyo pupuk.

Lukas 8:8

Apo ado jam bonih inyo jatu' di tanah inyo boi', tumbuh boi', mohasilan soratus kali lipat.” Lopas jadi bokisah, Yesus bopandir agatn saro borakng, “Aman honda' mongoroti, pondinga'an boboi'!”

Lukas 9:44

“Pondinga'an boboi'. Sokali-kali jangan sampai kaitn tongkolupatn agatn pomandiran-Ku ni'in: Ana' Monsio paca'an ditangkap huatan disorahan ko boko urakng inyo molawatn Sio.”

Yohanes 15:6

Somuo urakng inyo kinyo bosatu agatn Aku, sia' samo sama'an boko dahatn inyo dibuakan, lalu monjadi ranggau. Boko ranggau ubo nantai paca'an dikumpulan, dibuakan lalu dicucul ko api.

Wahyu 2:11

Sopo pan inyo ulih mondinga', kohonda'nyo io borotian somuo pomandiran Roh Allah ko boko jomaat. Boko urakng inyo monang co paca'an sonsaro komatian koduo, ia'an nantai hukupan somanah-manahnyo.”

Wahyu 2:17

Sopo pan inyo ulih mondinga', kohonda'nyo io momporhatian somuo pomandiran Roh Allah ko boko jomaat. Ko boko urakng inyo monang, Aku paca'an moonju' doi' pomakatn bodamoan manna inyo kinyo kotohuan di mono tompatnyo. Aku pan paca'an moonji'i sobuah batu putih ko sia' siku'-monyiku'. Di batu nantai totulis damo boharu, inyo kinyo dikotohu'i urakng bukai. Bayo urakng inyo monorima' batu nantaiam paca'an mongotohu'i damo nantai.”

Wahyu 2:29

Ko sopo pan inyo ulih mondinga', kohonda'nyo io momporhatian somuo pomandiran Roh Allah ko boko jomaat.”

Wahyu 2:7

Sopo pan inyo ulih mondinga', kohonda'nyo io momporhatian somuo pomandiran Roh Allah ko boko jomaat. Ko boko urakng inyo monang, Aku paca'an moijitan sia' makatn doi' kayu inyo moonji'i kohidupan inyo ado di kobutn Allah.”