Lukas 14:32 - Porjanjian Boharu Torjomahan Baso Dilakng Soari-ari

³² Aman io mongotohu'i sobolupmnyo sia' culih molawatn musuhnyo nantai, io paca'an mongiripm boko utusannyo pakai' bohoupm oca' bodamai. Rajo molabuhan nantai sobolupm tontara musuhnyo tolalu dampikng.

Lukas 14:32 ပူးပေါင်းရင်းမြစ်များ

Kisah Boko Rasul 12:20

Timpu nantai, Herodes kotakan godi agatn masrakat di kota Tirus huatan Sidon. Apo sia' kotakan pontikng mondapat pomakatn doi' doerah kokuasa'an Rajo Herodes nantai. Obai nantai, boko urakng doi' koduo kota nantai samo-samo bousaha bodamai agatn io. Timpu Herodes ado di kota Kaisarea, sia' mongiripm boko utusan ko su'utn. Sia' boharap oca' ulih mohadap rajo. Ongko, sia' mongkongkanti'i siku' urakng pojabat rajo pakai' bopihak ko sia'. Damonyo Blastus. Io hulutn gapit kulit rajo Herodes.

Lukas 12:58

Sama'an lapo aman ado urakng inyo monuduh kaitn. Soboi'nyo, sobolupm sampai ko pongadilan, kaitn gola' bousaha oca' pokaro nantai holu disolosaian. Aman nantai kinyo dilabuhan, io paca'an momoso kaitn oca' dibaba' ko pohadapan hakipm. Lalu, hakipm nantai paca'an monyorahan kaitn ko potugas pongadilan. Potugas nantai paca'an monamoan kaitn ko dalapm ponjara.

Matius 5:25

Damo umpamonyo, aman ado urakng inyo monuduh kaitn. Soboi'nyo kaitn bodamai agatn io watu kaitn tongahan dalapm pojalatan ko pongadilan. Aman cado, io paca'an momoso kaitn pakai' dibaba' ko hadapan hakipm. Ongko, hakipm nantai paca'an monyorahan kaitn ko potugas pongadilan. Potugas nantai paca'an momansu'an kaitn ko dalapm ponjara.

Matius 5:42

Aman ado urakng inyo mominto sosuatu ko kaitn, onju' jam! Damo aman ado urakng inyo honda' mominjapm sosuatu doi' kaitn, jangan monula'nyo.”

Lukas 14:31

Agatn contoh bukai. Soandainyo, siku' urakng rajo inyo bisi sopuluh ribu tontara paca'an boparakng agatn rajo bukai inyo bisi duo puluh ribu tontara. Pasti lobih doholu rajo nantai paca'an dudu' momportimbakan oca' io tohu ulih cado molawatn musuhnyo nantai.

Lukas 14:33

Ubo nian jam agatn boko urakng inyo honda' monjadi murid-Ku. Io gola' bopikir soboi'-boi'nyo holu ai obai aman io honda' monjadi murid-Ku, io gola' moninggalan somuo umputnnyo.”

Lukas 19:14

Lopas jadi bangsawatn nantai botula', boko urakng di nogorinyo bonci' agatn io, monyiuh boko utusan nantai mombodapan oca' monyampaian posatn ko kopala' ponguaso di su'utn. Kato sia', ‘Koi bolai' urakng ni'in monjadi rajo koi.’