Lukas 14:21 - Porjanjian Boharu Torjomahan Baso Dilakng Soari-ari

²¹ Lopas nian, hulutn nantai bobali' pulakng, molaporan somuonyo nantai ko habakngnyo. Habakngnyo godi obai somuo urakng inyo dihundakng bodalih culih datakng. Lalu, io monyiuh hulutnnyo pakai' hagar botula' ko boko jalatn ongko boko sako jalatn di kota pakai' mohundakng boko urakng jaro, urakng bokocina'an, urakng lumpuh, urakng buto. Lalu, sia' somuo datakng ko pogai nantai ongko makatn.

Lukas 14:21 ပူးပေါင်းရင်းမြစ်များ

Lukas 14:13

Apo, aman kolai moadoan pogai ongko makatn, hundakngbo boko urakng inyo culih mombalasnyo samaꞌan urakng jaro, urakng bokocina'an, urakng lumpuh, urakng buto. Aman kolai bulah ubo nantai, kolai tajahan dapat balasan inyo jouh lobih boi' timpu Allah bulah boko urakng inyo taat ko Sio hidup agi'.”

Yakobus 2:5

Boko somadikan inyo ku kasihi! Dinga'anbo ni'in! Allah momilih boko urakng jaro di dunia pakai' monjadi urakng inyo bondar-bondar konal agatn Sio. Obai sia' pocayo ko Yesus, jadi sia' monjadi ahli waris Koraja'an Allah. Nantaiam kodampuan inyo Allah janjian ko somuo urakng inyo mongasihi Sio.

Matius 11:5

Urakng buto moniant. Urakng lumpuh bojalatn. Urakng boponyakit kulit inyo bogola'i jadi nyamanam. Urakng tingal mondinga'. Urakng mati bobali' hidup agi'. Kabar Boi' diboritoan ko urakng jaro.

Yohanes 9:39

Kato Yesus, “Aku datakng ko dunia ni'in pakai' mohakipi, oca' boko urakng buto ulih moniant huatan ubo nian jam oca' boko urakng inyo ulih moniant, sia' monjadi buto.”

Lukas 14:24

Dinga'anbo ni'in: Pasti conyiant siku' pan doi' boko urakng inyo potamo kali ku hundakng nantai paca'an mooso'i la'apo pan inyo udah ku sodia'an pakai' sia'.’ ”

Ibrani 2:3

pasti kito tajahan dihukupm aman kito kinyo monaati pomandiran Allah mongona'i kosolamant'an. Tuhatn Yesus siku' inyo potamo monyampaian Pomandiran Allah nantai. Lalu, boko urakng inyo mondinga'an lansukng doi' Sio, sia' monyampaiannyo sampai kito monjadi yakitn mongona'i nantai.

Wahyu 22:17

Roh Allah huatan Pongantitn botina' bopandir, “Hincapm, datakngcam!” Oca' somuo urakng inyo mondinga'nyo nantai bopandir, “Hincapm, datakngcam!” Oca' somuo urakng inyo korahakan, somuo urakng inyo honda' minum, datakng jam. Sia' ulih monguti' modas ara'i inyo moonji'i kohidupan.

Wahyu 19:15

Sio ado podakng tajapm inyo koluar doi' nyao-Nyo. Agatn podakng nantai, Sio paca'an mongalahan boko banso. Sio paca'an momorintah sia' agatn tungkah bosi. Sio inyo paca'an momoyah anggurnyo di dalapm tompat pomoyahan anggur nantai, ia'an tompat inyo molambakan ponggodi Allah Inyo Maho Kuaso.

Ibrani 13:17

Kaitn gola' monaati boko pomimpitn kaitn. Tundu'cam ko sia'. Obai, sia' inyo bojago-jago agatn jiwa kaitn. Sia' gola' botanggukng jawab ko Allah pakai' polayatan sia' nantai. Taat'icam sia' oca' sia' ulih molayati agatn sonang hati. Aman kaitn kinyo monaati sia', sia' paca'an salu' ongko nantai kinyo boguno pakai' kaitn.

Lukas 24:47

Lalu agatn kuaso-Nyo tajahan diboritoan kabar obai urakng gola' tongga' bulah dosa lalu monyonangan hati Allah, ongko dosa sia' tajahan diamputi. Borito ni'in gola' disampaian, mula'i doi' kota Yerusalem lalu ko somuo banso bukai di dunia.

Matius 11:28

Datakngcam ko Aku, somuo kaitn inyo uyuh jorih monanggukng boko kosusahan inyo borat. Aku paca'an moonji'i sonang-nyaman ko kaitn.

Lukas 9:10

Boko rasul Yesus bobali'. Sia' mongisahan ko Sio somuo inyo sia' labuhan timpu bojalatn ko boko laman nantai. Ongko, Yesus botula' bosamo boko rasul-Nyo, monuju ko kota Betsaida, bogoyap tompat inyo langunt oca' bayo ado sia' ja'am.

Matius 18:31

Boko pokawalannyo inyo bukainyo moniant hal nantai. Sia' kotakng salu' lalu monyampaian porbuatan hulutn nantai ko rajo.

Matius 15:12

Boko murid Yesus datakng lalu bopandir ko Sio, “Kata'an Duatn tohu obai pomandiran Duatn nantai boko urakng Farisi tosinggukng?”

Lukas 14:20

Ado inyo bukai agi' bopandir, ‘Aku hoyu' jadi kawitn, jadi aku culih datakng.’

Lukas 14:22

Lopas nian, hulutn nantai bopandir ko habakngnyo, ‘Habakng, aku udah molabuhan porintah duatn nantai, apo ija' ado tompat logo pakai' banyaꞌ tamu' agi'.’

Matius 20:7

Kato sia' ko io, ‘Obai nyiant ado urakng inyo moonji'i pokoroja'an ko koi.’ Katonyo ko sia', ‘Kaitn botula' bokorojo ja'am di kobutn anggurku.’