Lukas 14:15 - Porjanjian Boharu Torjomahan Baso Dilakng Soari-ari

¹⁵ Mondingaꞌ pomandiran Yesus nantai, siku' urakng tamu' bopandir ko Sio, “Diborokati boko urakng inyo tajahan makatn sosamo Allah dalapm Korajaan-Nyo di sorugo.”

Lukas 14:15 ပူးပေါင်းရင်းမြစ်များ

Matius 25:10

Lalu boko botina' daro inyo budu nantai botula' momboli minya'. Apo, tongahan sia' bojalatn, pongantitn lolaki nantai datakam. Kolima' botina' inyo udah siap ulih mansu' ko pogai kawitn nantai bosamo-samo agatn pongantitn lolaki. Lalu, lawakng ditutupam.

Matius 8:11

Dinga'anbo ni'in: Banya' urakng inyo bukainyo urakng Israel paca'an datakng doi' somuo ponjuru dunia. Sia' paca'an dudu' makatn bosamo agatn Abrahapm, Ishak ongko Yakub di dalapm Koraja'an Sorugo.

Lukas 12:37

Boko hulutn inyo siap paca'an sonang-nyaman, biar pan habakngnyo datakng tinggi malapm damo holapm sunsukng. Habakngnyo tajahan sonang agatn sia' obai sia' hala siap monanti kodatakannyo. Dinga'anbo ni'in: Habakng nantai paca'an monggonti pakai'annyo pakai' molayati sia'. Io tajahan monyiuh sia' pakai' dudu' makatn. Lalu io tajahan molayati sia'.

Lukas 13:29

Banyaꞌ urakng paca'an datakng doi' timur, barat, utara, solatatn. Sia' paca'an ditorima'. Sia' paca'an dudu' makatn di dalapm Koraja'an Allah di sorugo.

Lukas 22:16

Dinga'anbo! Sobondarnyo, Aku co tajahan bopua' pomakatn Paskah ni'in agi' sampai Koraja'an Allah monguaso'i somuo hal. Watu nantai, roti doi' Paskah ni'in tajahan monjadi nyata.”

Lukas 22:30

Jadi, dalapm Koraja'an-Ku nantai, kaitn tajahan mooso rindakng huatan tohormat obai ulih makatn-minum sotanggaian sosamo agatn Aku. Kaitn siku'-monyiku' tajahan dudu' di tahta pakai' momorintah koduo bolas suku banso Israel.”

Wahyu 19:9

Lalu, molekat nantai bopandir ko aku, “Tuliscam ni'in: Bahagiacam boko urakng inyo dihundakng ko pogai kawitn Ana' Domba nantai.” Molekat nantai jam bopandir ko aku, “Nantaiam boko pomandiran inyo bondar doi' Allah!”