Lukas 14:1 - Porjanjian Boharu Torjomahan Baso Dilakng Soari-ari

¹ Timpu Ari Sabat, Yesus makatn sosamo agatn boboropo urakng guru agama Yahudi huatan boboropo urakng pomimpitn agama doi' kolompok Farisi. Sia' makatn di rumah salah siku' urakng pontikng doi' kolompok Farisi nantai. Somuo urakng Farisi ongko guru inyo ado di santai borotian Yesus agatn toliti, pakai' bogoyap kosalahan-Nyo.

Lukas 14:1 ပူးပေါင်းရင်းမြစ်များ

Matius 12:12

Nah, pasti monsio jouh lobih borogo daripado domba. Obai nantai, kito ulih bulah koboi'an watu Ari Sabat.”

Markus 3:2

Boko urakng Farisi kotakan borotian Yesus, honda' moniant aman Sio tajahan monyamani urakng nantai. Monurut sia', nantai tomansu' pokoroja'an inyo culih dilabuhan watu ari Sabat. Jadi, nononyo sia' ulih monyalahan Sio.

Lukas 11:37

Lopas Yesus jadi bopandir, ado siku' urakng Farisi mohundakng Sio makatn di rumahnyo. Yesus pan botula' ko rumahnyo, ongko dudu' makatn di siatan.

Lukas 14:2

Ntobukan datakng siku' urakng inyo boponyakit ko Yesus. Io kompodihan ponyakit inyo bulah longan ongko kakinyo bongka'.

Lukas 17:20

Di ari bukainyo, boboropo pomimpitn agama Yahudi doi' kolompok Farisi botakutn ko Yesus, “Sombilo Koraja'an Allah tajahan datakng, ia'an watu Allah mula'i momorintah soponuhnyo di pucu' somuonyo?” Yesus bopandir, “Koraja'an Allah kinyo dapat ditiat agatn mato.

Lukas 20:20

Jadi, boko guru agama Yahudi huatan boko imam kopala' bogoyap caro oca' sia' ulih mombaba' Yesus ko gubernur Romawi pakai' dihukupm. Lalu sia' hala borotian Yesus. Malahan sia' moncubo bulah gogadatn pakai' Sio. Sia' moutus boboropo urakng ko Yesus pakai' botakutn ubonyo tujuannyo boi', apo sobondarnyo sia' honda' oca' Yesus mongatoan sosuatu inyo salah.

Lukas 6:7

Di santai ado boko guru agama Yahudi ongko boko urakng doi' golokan Farisi. Sia' borotian Yesus pakai' monggoyap kosalahan-Nyo, oca' ulih monuduhan kosalahan ko Yesus monurut poraturan Agama. Jadi sia' totap borotian apobai Sio monyamani urakng nantai watu ari sabat.

Yohanes 3:1

Ado siku' pomimpitn agama Yahudi doi' kolompok Farisi, damonyo Nikodemus.

Kisah Boko Rasul 5:34

Apo ado siku' urakng doi' antaro kolompok pomimpitn nantai. Damonyo Gamaliel. Io nantai guru Poraturan agama Yahudi doi' kolompok urakng Farisi. Somuo urakng mohormati Io. Io bodiritn ongko monyiuh oca' boko rasul nantai dibaba' ko luar pakai' somontaro. Lopas nantai, io bopandir ko boko pomimpitn di su'utn.