Lukas 13:34 - Porjanjian Boharu Torjomahan Baso Dilakng Soari-ari

³⁴ Lalu Yesus bopandir kotakan salu', “Ihai, boko urakng Yerusalem. Allah moutus boko nabi ko kaitn, apo kaitn monikapi sia' agatn batu sampai mati. Aku honda' hala molinduki kaitn, samo sama'an indai manu' inyo molinduki boko ana'nyo di babah sayapnyo. Apo, kaitn monula'.

Lukas 13:34 ပူးပေါင်းရင်းမြစ်များ

Matius 22:3

Rajo nantai monyiuh boko hulutnnyo oca' moningkau boko urakng inyo dihundakng boko hulutnnyo, inyo bukai. Katonyo boko urakng inyo dihundakng ko pogai nantai kinyo honda' datakng.

Matius 22:6

Malahan ado inyo bukai sampai monangkap boko hulutn rajo nantai. Sia' mondorako'i huatan mombunuh boko hulutn nantai.

Lukas 15:28

Ana' inyo kojula'an nantai tomaho godi bondar sampai io bolai' mansu' ko rumah. Ongko bopainyo koluar pakai' mongkongkanti'i oca' io mansu'.

Lukas 23:28

Apo Yesus mongilikng ko arah sia' ongko bopandir, “Boko botina' doi' Yerusalem, jangan monangis obai la'apo inyo tojadi ko Aku. Apo sobali'nyo monangiscam obai la'apo inyo paca'an tojadi ko kaitn huatan poana'an kaitn.

Kisah Boko Rasul 7:52

Angki-bayatn kaitn monyisa somuo nabi Allah. Joman komai, sia' mombunuh boko nabi inyo mongabaran mongona'i kodatakan Rajo Inyo Dijanjian Allah, ia'an Hulutn Allah inyo hala hidup bondar di hadapan Allah. Sokarakng Rajo nantai udah datakng apo kaitn monyorahan Sio ko musuh-Nyo oca' Sio dibunuh!

Kisah Boko Rasul 7:59

Timpu boko urakng monikapi Stefanus agatn batu, io bodoa, “Tuhatn Yesus, torima'cam rohku.”

Wahyu 11:8

Bangkai sia' ditinggalan ja'am di jalatn rayo kota bosar, ia'an kota di mono Tuhatn sia' disaliban. (Socaro rohani, kota bosar nantai disobut Sodom ongko Mesir.)