Lukas 13:33 - Porjanjian Boharu Torjomahan Baso Dilakng Soari-ari

³³ Apo sari ni'in, hobu' ongko lusonyo Aku gola' molajuan pojalatan-Ku ko kota Yerusalem, obai conyiant tompat bukai pakai' siku' urakng nabi Allah dibunuh cuali di Yerusalem.’ ”

Lukas 13:33 ပူးပေါင်းရင်းမြစ်များ

Matius 20:18

“Kito tongahan monuju ko kota Yerusalem. Di su'utn, Ana' Monsio paca'an disorahan ko boko imam kopala' huatan boko guru agama Yahudi. Sia' paca'an bulah koputusan obai Sio paca'an dihukupm mati.

Matius 21:11

Boko urakng inyo tuyut Yesus monimbasi, “Ni'innam Yesus, nabi doi' laman Nazaret di propinsi Galilea.”

Lukas 9:53

Apo boko urakng Samaria di laman nantai, bolai' monorima' Yesus, obai nantai Sio paca'an monuju kota Yerusalem.

Yohanes 11:54

Obai nantai, Yesus kinyo monongah agi' am di muka' umum di antaro boko urakng Yahudi nian. Sio moninggalan doerah nantai, lalu botula' kosobuah kota inyo bodamoan Efraim, dampikng padakng pasir. Sio diapm di santai bosamo agatn boko murid-Nyo.

Yohanes 11:9

Timbas Yesus, “Watu bonyarian ado duo bolas japm. Urakng inyo bojalatn watu bonyarian, io kinyo topanjur obai io moniant torakng dunia ni'in.

Yohanes 12:35

Kato Yesus ko sia', “Torakng nantai kinyo manaham ado di antaro kaitn. Jadi, kaitn gola' bojalatn somanahan Torakng nantai totap ado, oca' potakng co monguaso'i kaitn. Urakng inyo bojalatn di dalapm potakng kinyo tohu ko mono io botula'.

Yohanes 4:34

Kato Yesus ko sia', “Makatan-Ku ia'an: molabuhan kohonda' Allah Bopai inyo moutus Aku, ia'an monjadi'i somuo pokoroja'an inyo Sio onju' ko Aku.

Yohanes 9:4

Somanah ari ija' siakng, kito gola' mongorojoan boko pokoroja'an Sio inyo moutus Aku. Pas ari malapm, conyiant ado siku' urakng pan inyo ulih bokorojo.

Kisah Boko Rasul 10:38

Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.

Kisah Boko Rasul 13:27

Joman komai, boko nabi udah monulis mongona'i Rajo Inyo Dijanjian Allah. Watu ni'in, sotiap Ari Sabat, boko buku nabi nantai dibacoan di boko rumah sombayakng. Apo boko urakng Yerusalem kinyo mongoroti pomandiran boko nabi nantai. Sia' kinyo mongotohu'i Yesus nantai Rajo Inyo Dijanjian Allah. Boko pomimpitn agama sia' pan kinyo tohu. Sia' molawatn Yesus. Sia' samo sokali conyiant alasan pakai' mohukupm Yesus. Apo sia' totap monyosahan Gubernur Pilatus oca' Yesus dihukupm mati. Somuo porbuatan sia' nantai bulah pomandiran boko nabi doi' joman komai monjadi bondar-bondar tojadi.