Lukas 13:31 - Porjanjian Boharu Torjomahan Baso Dilakng Soari-ari

³¹ Timpu nian jam, ado boboropo urakng Farisi datakng ko Yesus. Sia' bopandir, “Jangan bodiapm di si'itn obai Herodes honda' mombunuh Duatn! Lobih boi' botula' cam ko tompat bukai.”

Lukas 13:31 ပူးပေါင်းရင်းမြစ်များ

Matius 14:1

Timpu nantai, Herodes ia'an rajo di doerah Galilea. Io mondinga' boko borito mongona'i Yesus.

Lukas 3:1

Ado Kaisar inyo bodamoan Tiberius, rajo inyo kotakan bokuaso di Roma. Di tohutn ko lima' bolas watu io momorintah, ado boko pojabat di babahnyo inyo momorintah di boko doerah di nogori Israel. Pontius Pilatus monjadi gubernur di doerah Yudea; Herodes momorintah di doerah Galilea, somadikan Herodes damonyo Filipus momorintah di doerah Iturea huatan Trakhonitis. Lisanias momorintah di doerah Abilene.

Matius 14:3

Cukup manah sobolupm nantai, Herodes bobini agatn Herodias, apo komainyo Herodias nantaiam bini somadikan Herodes, damonyo Filipus. Jadi, Yohanes opat monogur Herodes. Katonyo, “Kulo culih bobini agatn Herodias!” Obai nantai, Herodes monyiuh oca' Yohanes ditangkap, dikobat agatn rantai lalu dimansu'an ko dalapm ponjara.

Matius 14:6

Apo watu ari ulakng tohutn Herodes, ana' botina' Herodias bonari di hadapan boko urakng inyo hadir di pogai nantai. Tariannyo nantai kotakan monyonangan hati Herodes,

Lukas 9:7

Herodes, rajo doerah Galilea, mondingaꞌ mongonaꞌi somuo inyo tojadi. Io bingung obai ado inyo bopandir Yohanes Pombaptis udah bobali' hidup agi'.

Lukas 23:7

Lopas jadi dipadahan obai Yesus memang boasal doi' su'utn, Pilatus monyiuh boko projurit mombaba' Yesus ko Herodes, rajo doerah Galilea. Mumpukan io ado di kota Yerusalem jam.