Lukas 13:17 - Porjanjian Boharu Torjomahan Baso Dilakng Soari-ari

¹⁷ Timpu Yesus bopandir ubo nantai, somuo urakng inyo momusuhi-Nyo mooso malu, apo inyo bukainyo rindakng obai somuo mujisat inyo dipulah Yesus.

Lukas 13:17 ပူးပေါင်းရင်းမြစ်များ

1 Petrus 3:16

Apo, timbas cam sia' agatn hormat, lomah-lombut, tulus hati di hadapan Allah. Kaitn gola' molabuhan nantai oca' watu boko urakng monjahai'an mongona'i porbuatan boi' kaitn dalapm Kristus, jadi sia' tajahan komaluan.

2 Timotius 3:9

Apo, samo sama'an inyo tojadi ko Yanes huatan Yambres, boko urakng nantai kinyo ulih molabuhan la'apo pan, obai kobuduan sia' udah dikotohu'i boko urakng banya'.

Kisah Boko Rasul 4:21

Urakng banya' momuji Allah moniant mujisat nantai obai urakng nantai lumpuh doi' lahir apo udah boumur lobih doi' ompat puluh tohutn hoyu' dinyamani. Jadi, boko pomimpitn urakng Yahudi nantai co ulih monomuan caro pakai' mohukupm koduo rasul nantai agatn co bulah urakng banya' godi. Koponsuahannyo boko pomimpitn urakng Yahudi nantai mombebasan koduo rasul nantai, apo totap morarakng sia' agatn ancapan ni'in: oca' sia' jangan agi' momboritoan ko urakng bukai ajaran inyo jadi diajaran Yesus.

Lukas 20:40

Lopas nantai, somuo boko pomimpitn urakng Yahudi kinyo borani bulah gogadatn ko Yesus agatn boko potakutan agi'.

Lukas 19:48

Apo culih sia' obai urakng banyaꞌ hala ado di sokitar Sio sonang mondingaꞌan ajaran Sio.

Lukas 18:43

Timpu nian jam urakng buto nantai ulihnyo moniant, io lalu tuyut Yesus kapikng momuji Allah. Watu urakng banyaꞌ nantai moniant io udah nyamanam, sia' somuo momuji Allah jam.

Lukas 14:6

Sia' totap langunt obai culih monikaki-Nyo.

Titus 2:8

Ajaricam ajaran inyo bondar oca' urakng inyo molawatn kolai co ulih monyalahan ajaran nantai. Aman sia' co ulih mongatoan boko hal inyo jahat mongona'i kito, sia' paca'an monjadi malu.