Lukas 13:16 - Porjanjian Boharu Torjomahan Baso Dilakng Soari-ari

¹⁶ Apo botina' ni'in koturutan Abrahapm banso inyo diborokati Allah. Huatan roh jahat, Rajo Sitatn udah bulah io sonsaro dolapatn bolas tohutn manahnyo. Io pasti jouh lobih dirogo'i Allah daripado sapi damo koledai. Cucu'am io dinyamani doi' sonsaro ponyakitnyo, biar pan ni'in Ari Sabat.”

Lukas 13:16 ပူးပေါင်းရင်းမြစ်များ

Matius 4:10

Apo Yesus bopandir ko io, “Oi Sitatn, jouhancam diri kolai doi' Aku! Obai, ado pomandiran Allah inyo ditulis dalapm Buku Suci, Sombahcam Tuhatn Allah kolai. Layati Sio ja'am.”

Markus 2:27

Lalu kato Yesus ko sia', “Allah bulah ari Sabat pakai' kopontikan monsio. Sio co bulah monsio pakai' kopontikan ari Sabat.

Lukas 16:24

Io mondongkakng-mondorah, ‘Bopai Abrahapm! Aku kotakng ajab sonsaro di dalapm api ni'in. Kasihibo aku Bopai! Siuh Lazarus moncolupan jarinyo ko dalapm ara'i ongko datakng mondinginan lidahku agatn ara'i nantai.’

Lukas 19:9

Ongko Yesus bopandir, “Sari ni'in kolai huatan somuo koluarga kolai disolamant'an obai kolai pan koturutan Abrahapm.

Lukas 3:8

Jangan jam bopikir dalapm hati: Koi doi' koturutan Abrahapm. Pasti Allah kinyo paca'an mohukupm koi. Ingant: Doi' boko batu ni'in pan Allah ulih bulah koturutan pakai' Abrahapm! Kaitn gola' molabuhan porbuatan inyo bondar pakai' monunju'an obai kaitn bondar-bondar bobali' doi' dosa samaꞌan tontanaman inyo bobuah huatan monunju'an obai nian tontanaman inyo boi'.

Yohanes 8:44

Kaitn ninam boko poana'an Rajo Sitatn! Io nam bopai kaitn nan. Kaitn honda' monuruti kohonda' bopai kaitn nantai. Doi' mulonyo io nam pombunuh. Io co kalo ado hubukan agatn boko hal inyo bondar obai conyiant ado inyo bondar di dalapm dirinyo. Pas io bulah kotumbukan, nantai wajar, obai sipatnyo ongkah bulah kotumbukan nam. Sio nianam bopai boko tumbukan.

Kisah Boko Rasul 13:26

Boko somadikan koturutan Abrahapm, huatan boko urakng bukainyo urakng Yahudi udah pocayo agatn Allah: Yesus mombuka' jalatn oca' urakng ulih disolamant'an doi' hukupan dosa. Borito nantai udah disampaian ko kito somuo!

2 Timotius 2:26

Agatn ubo nian, boko urakng monjadi sadar huatan lopas doi' joyat Rajo Sitatn. Joyat nantai inyo udah mongujut sia' somanah ni'innam, sampai sia' jumpat kohonda' Rajo Sitatn.