Lukas 13:14 - Porjanjian Boharu Torjomahan Baso Dilakng Soari-ari

¹⁴ Apo kopala' rumah sombayakng nantai kotakng godi, obai io bopikir porbuatan Yesus nantai pokoroja'an inyo culih dilabuhan watu Ari Sabat obai Ari Sabat husus pakai' torahat. Jadi kopala' rumah sombayakng bopandir ko kumpulan urakng nantai, “Monurut Poraturan agama kito urakng Yahudi, ado onam ari pakai' bokorojo. Jadi, aman kaitn honda' dinyamani, datakng ko si'itn di ari-ari nantai. Jangan watu Ari Sabat!”

Lukas 13:14 ပူးပေါင်းရင်းမြစ်များ

Matius 12:2

Boboropo pomimpitn agama Yahudi doi' kolompok Farisi moniant nantai. Ongko sia' bopandir ko Yesus, “Porotiancam! Porbuatan boko murid Duatn nantai salah! Obai, ado porintah Allah dalapm Hukupm Torat inyo morarakng urakng bokorojo timpu Ari Sabat.”

Lukas 6:7

Di santai ado boko guru agama Yahudi ongko boko urakng doi' golokan Farisi. Sia' borotian Yesus pakai' monggoyap kosalahan-Nyo, oca' ulih monuduhan kosalahan ko Yesus monurut poraturan Agama. Jadi sia' totap borotian apobai Sio monyamani urakng nantai watu ari sabat.

Lukas 8:41

Di antaronyo ado kopala' rumah sombayakng bodamo Yairus. Sio ongkah ado siku' ana', bobia' nantai botina', boumur kiro-kiro duo bolas tohutn, io tongahan sakit honda' matiam. Jadi, Yairus tundu' di kaki Yesus, momuhun oca' Yesus datakng ko rumahnyo pakai' monyamani ana'nyo nantai. Dalapm pojalatan ko rumah nantai, boko urakng banyaꞌ mongorumuni Yesus doi' somuo arah.

Markus 5:22

Siku' urakng kopala' rumah sombayakng datakng ko santai, io bodamoan Yairus. Pas io moniant Yesus, io tundu' monyungkapan di kaki Yesus.

Roma 10:2

Obai, aku tohu sia' bobondar bousaha monaati Allah, apo sia' kinyo bobondar mongoroti.

Kisah Boko Rasul 18:17

Watu nantai, sia' somuo monangkap kopala' rumah sombayakng agama Yahudi. Damonyo Sostenes. Io dipodularan di tongah-tongah ruakan pongadilan nantai. Apo Galio samo sokali kinyo poduli.

Kisah Boko Rasul 18:8

Banya' urakng di Korintus mondinga' ajaran Paulus ongko monjadi pocayo agatn Yesus, tomansu' Krispus, kopala' rumah sombayakng nantai huatan somuo urakng inyo tinggal dalapm rumahnyo. Somuo urakng pocayo nantai dibaptis jam.

Kisah Boko Rasul 13:15

Sama'an biaso ado urakng inyo mombaco doi' boko poraturan Allah inyo ditulis Musa dalapm Hukupm Torat. Ado jam inyo mombaco doi' boko buku inyo ditulis boko nabi. Lopas nantai, boko pomimpitn rumah sombayakng nantai monyiuh urakng monyampaian posatn ko Paulus ongko Barnabas. Kato sia', “Mungkitn boko somadikan ado posatn pakai' monguat'an hati somuo koi di si'itn. Aman ado, pandiran ja'am.”

Lukas 6:11

Moniant kojadian nantai boko guru agama Yahudi ongko urakng Farisi kotakan godi. Ongko sia' bohoupm la'apo inyo gola' sia' labuhan ko Yesus.