Lukas 13:12 - Porjanjian Boharu Torjomahan Baso Dilakng Soari-ari

¹² Watu Yesus moniant botina' nantai, Yesus moningkau io ko muka'. Ongko Yesus bopandir, “Indai, watu ninam kolai nyamanam doi' ponyakit kolai.”

Lukas 13:12 ပူးပေါင်းရင်းမြစ်များ

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Matius 8:16

Watu babahari, banya' urakng sakit dibaba' ko Yesus, tomansu' inyo korasu'an boko roh jahat. Agatn pomandiran-Nyo mo, Yesus monundukng boko roh jahat nantai. Sio pan monyamani somuo urakng inyo sakit di santai.

Lukas 13:11

Di santai ado siku' urakng botina' inyo udah dolapatn bolas tohutn ponyakit. Ado roh jahat di dalapm dirinyo inyo mombulah io ponyakit sampai monjadi bungku'. Io samo sokali culih bodiritn tontakng boi'.

Lukas 13:13

Lopas Yesus molota'an jari-Nyo, botina' nantai lansukng bodiritn tontakng boi' ongko momuji Allah.

Lukas 13:16

Apo botina' ni'in koturutan Abrahapm banso inyo diborokati Allah. Huatan roh jahat, Rajo Sitatn udah bulah io sonsaro dolapatn bolas tohutn manahnyo. Io pasti jouh lobih dirogo'i Allah daripado sapi damo koledai. Cucu'am io dinyamani doi' sonsaro ponyakitnyo, biar pan ni'in Ari Sabat.”