Lukas 13:1 - Porjanjian Boharu Torjomahan Baso Dilakng Soari-ari

¹ Watu nantai, Yesus ditohu'i ulih boboropo urakng inyo datakng ko Sio. Sia' bopandir, “Ado boko urakng doi' doerah Galilea inyo botula' ko kota Yerusalem pakai' moonju' kurbatn posombahan borupo hayapm-inguan di Rumah Allah. Timpu sia' moonju' posombahannyo, Pilatus, gubernur pomorintah Romawi, monyiuh oca' sia' dibunuh.”

Lukas 13:1 ပူးပေါင်းရင်းမြစ်များ

Kisah Boko Rasul 5:37

Solaitn nantai, ado siku' urakng agi' pado watu pomorintah Romawi bulah sensus. Io doi' doerah Galilea. Damonyo Yudas. Io momimpitn boko urakng Yahudi pakai' molawatn pomorintah Romawi. Apo io jam dibunuh, ongko somuo pongikutnyo topisah.

Matius 27:2

Sia' mongobat Sio, mombaba'-Nyo, lalu monyorahan-Nyo ko Pilatus, gubernur propinsi nantai.

Matius 27:1

Sunsukng-pukau, boko imam kopala' agatn boko pomimpitn banso Yahudi bulah koputusan oca' Yesus dihukupm mati.

Kisah Boko Rasul 1:11

Koduo urakng nantai bopandir, “Oi boko urakng doi' doerah Galilea. Jangan kaitn ija' bodiritn di si'itn, monongadah ko langit. Kaitn udah moniant Yesus noi' ko sorugo doi' antaro kaitn. Nononyo, Sio paca'an datakng agi' agatn caro inyo samo ubo nantaiam.”

Kisah Boko Rasul 2:7

Somuo sia' hiratn bondar. Kato sia' siku'-monyiku', “Boko urakng inyo bopandir nantai somuonyo urakng Galilea.