Lukas 12:9 - Porjanjian Boharu Torjomahan Baso Dilakng Soari-ari

⁹ Apo sotiap urakng inyo kinyo mongaku'i-Ku dipohadapan boko urakng bukai, Ana' monsio pan paca'an kinyo moaku'i io dipohadapan boko molekat Allah.

Lukas 12:9 ပူးပေါင်းရင်းမြစ်များ

Matius 10:33

Apo sotiap urakng inyo kinyo moaku'i Aku di hadapan boko urakng bukai, Aku pan cuku moaku'inyo di hadapan Bopai-Ku inyo di sorugo.”

Matius 25:12

Apo pongantitn lolaki nantai monimbasi, ‘Cado! Aku co konal agatn kaitn.’

Matius 25:31

“Ana' Monsio, paca'an datakng agi' sobagai Rajo. Somuo molekat paca'an datakng bosamo-samo agatn Sio. Sio paca'an dudu' di pucu' tahta-Nyo inyo hebat.

Matius 25:41

Lopas nian, Rajo nantai paca'an bopandir ko boko urakng di sopia' kiba'nyo, ‘Hingkascam doi' pohadapan-Ku, kaitn inyo dihukupm! Mansu' cam ko dalapm api inyo co kalo buta' ia'an nantai tompat inyo udah disiapan pakai' Rajo Sitatn huatan boko molekatnyo.

Matius 7:23

Watu nantaiam Aku paca'an mohukupm sia'. Aku paca'an bopandir agatn torus-torakng ko sia', ‘Sobondarnyo somuo kaitn urakng jahat. Aku co kalo konal agatn kaitn. Botula'cam doi' pohadapan-Ku!’ ”

Markus 8:38

Biar pan kaitn hidup di joman boko urakng inyo bodosa huatan kinyo sotia ni'in, jangan am kaitn malu tuyut Ku ongko pomandiran-Ku. Sotiap urakng inyo malu tuyut Ku, nononyo Ana' Monsio paca'an monula' io jam watu Io datakng bobali' agi' doi' sorugo. Timpu nantai, Io paca'an datakng agatn somuo kuaso Bopai-Nyo bosamo agatn boko molekat Allah.”

Lukas 15:10

Nah, porotiancam ni'in: samo sama'an nantai jam, Allah huatan boko molekat di sorugo kotakng rindakng aman siku' urakng botongga' bulah dosa lalu hidup monyonangan Allah.”

Lukas 22:57

Apo Petrus monyangkal. Kato io, “Bukai! Aku co konal agatn Sio!”

Lukas 9:26

Samo jam urakng inyo malu tuyut Aku huatan pongajaran-Ku. Ana' Monsio paca'an monula' urakng nantai watu Io datakng bobali' doi' sorugo agatn bisi kuaso Allah Bopai. Io bobali' doi' sorugo diiriki boko molekat suci.

1 Yohanes 2:23

Obai, urakng inyo monula' Ana', boroti urakng nantai kinyo hidup bosatu agatn Allah Bopai. Apo, urakng inyo monorima' Ana', boroti urakng nantai hidup bosatu agatn Bopai.

1 Yohanes 2:28

Jadi, poana'anku! Kaitn gola' hidup bosatu agatn Kristus, oca' Sio datakng nononyo agi', kito co gola' huatan co malu mohadap Sio.

Wahyu 3:8

Aku tohu somuo inyo kaitn labuhan. Aku tohu kaitn co tolalu kuat. Apo, kaitn totap monaati Pandir-Ku. Kaitn borani mongaku'i obai kaitn ia'an murid-Ku. Obai nantai, porhatiancam! Aku udah mombuka' lawakng pakai' kaitn. Conyiant ado siku' urakng pan ulih monutupnyo.