Lukas 12:52 - Porjanjian Boharu Torjomahan Baso Dilakng Soari-ari

⁵² Nyongkayoan nantai paca'an mula'i doi' watu ni'in obai ado urakng inyo pocayo ko Aku huatan ado inyo cado. Malahan boko koluarga paca'an hala bolawatan. Sobagai contoh, aman dalapm sobuah koluarga ado lima' urakng, jadi tigo paca'an molawatn duo.

Lukas 12:52 ပူးပေါင်းရင်းမြစ်များ

Lukas 12:51

Jangan bopikir Aku datakng pakai' mondamaian boko urakng di dunia ni'in. Malahan sobali'nyo! Aku datakng pakai' monyongkayoan.

Lukas 12:53

Bopai paca'an molawatn ana'nyo inyo lolaki huatan ana' lolaki paca'an molawatn bopainyo. Indai molawatn ana'nyo inyo botina' huatan ana'nyo botina' molawatn indainyo. Montuho botina' paca'an molawatn bonantu botina'nyo huatan bonantu botina'nyo paca'an molawatn montuho botina'nyo.”

Yohanes 16:2

Paca'an ado boko urakng inyo monundukng kaitn doi' rumah sombayakng urakng Yahudi. Nononyo, boko urakng inyo mombunuh kaitn paca'an monyangko sia' molayati Allah agatn molabuhan nantai.

Yohanes 9:16

Sobagi'an doi' kolompok urakng Farisi nantai bopandir, “Urakng nantai co datakng doi' Allah. Obai, Sio co monaati Ari Sabat.” Apo inyo bukai bopandir, “Co mungkitn siku' urakng bodosa tohu bulah boko mujisat samo sama'an inyo udah Sio pulah!” Jadi ado posolisihan di antaro sia'.

Kisah Boko Rasul 28:24

Ado doi' antaro sia' inyo monjadi pocayo obai ajaran Paulus nantai. Apo ado jam inyo kinyo pocayo.