Lukas 12:5 - Porjanjian Boharu Torjomahan Baso Dilakng Soari-ari

⁵ Aku momadahan ko kaitn sopo inyo sobondarnyo gola' kaitn kogola'i. Gola'cam agatn Allah! Obai Sio kinyo bayo bokuaso mombunuh urakng. Sio pan bokuaso pakai' mombuakan urakng ko dalapm noraka! Jadi, sobondarnyo Sionam inyo gola' kaitn kogola'i.

Lukas 12:5 ပူးပေါင်းရင်းမြစ်များ

2 Petrus 2:4

Ingantcam! Pas watu ado boko molekat inyo mombulah dosa, Allah kinyo mombebasan sia' doi' hukupan. Sio monikapan sia' ko dalapm noraka. Sia' dirantai di santai dalapm potakng sampai ari Ponghakipan nononyo.

Matius 10:28

Jangan gola' agatn sia' inyo bayo ulih mombunuh kaitn. Sia' kinyo bokuaso mombunuh jiwa kaitn. Apo kaitn harus gola' agatn Allah. Obai, Sio bokuaso mombonasoan jiwa ongko bukakng-tubuh kaitn di dalapm noraka!

Wahyu 14:7

Molekat nantai bopandir agatn saro borakng. Katonyo, “Hormaticam Allah. Pujicam Sio! Obai, sampaiam watunyo pakai' Allah mohakipi somuo urakng. Sombahcam Sio inyo mombulah langit, bumi, lout huatan somuo mato ara'i.”

Ibrani 10:31

Jadi, ngeri' bondar aman urakng bodosa sama'an nantai huatan gola' dihukupm Allah inyo hidup.

Wahyu 20:14

Sotiap urakng inyo damonyo kinyo totulis dalapm Buku Kohidupan nantai, io dibuakan ko dalapm loutan api nantai. Nantai inyo dimasud agatn komatian koduo, ia'an mati somanah-manahnyo. Maut ongko Koraja'an Maut dibuakan ko dalapm loutan api nantai jam.

1 Tesalonika 4:6

Dalapm hal ni'in, jangan jam bulah dosa ko somadikan bukainyo inyo pocayo ko Yesus. Jangan monggogadati io. Obai Tuhatn paca'an mohukupm boko urakng inyo bulah dosa sama'an nantai. Sokomai, koi udah kalo moingant'an kaitn agatn togas mongona'i hal nantai.

Matius 25:41

Lopas nian, Rajo nantai paca'an bopandir ko boko urakng di sopia' kiba'nyo, ‘Hingkascam doi' pohadapan-Ku, kaitn inyo dihukupm! Mansu' cam ko dalapm api inyo co kalo buta' ia'an nantai tompat inyo udah disiapan pakai' Rajo Sitatn huatan boko molekatnyo.

Wahyu 15:4

Boko urakng somuonyo paca'an mohormati Duatn, Au Tuhatn! Boko urakng somuonyo paca'an momuji damo Duatn. Obai ongkah Duatam inyo suci. Somuo banso paca'an datakng monyombah Duatn, obai boko urakng udah moniant Duatn mohakipi agatn bondar”.

Matius 5:22

Apo Aku moonju' porintah ni'in ko kaitn: Sotiap urakng inyo godi agatn somadikannyo gola' dihukupm. Sotiap urakng inyo mohayam somadikannyo gola' dibaba' ko hadapan kolompok pomimpitn agama Yahudi inyo kotakan bokuaso pakai' dihukupm. Sotiap urakng inyo moningkau urakng bukai budu paca'an dihukupm dalapm api noraka.

Matius 25:46

Lalu boko urakng nantai paca'an dihukupm agatn hukupan somanah-manahnyo di noraka. Apo boko urakng inyo hidup bondar di hadapan Allah paca'an hidup somanah-mamahnyo di sorugo.”

Markus 13:23

Jadi boboi' cam! Aku udah momandirannyo ko kaitn mongona'i boko hal ni'in sobolupm tojadi.”