Lukas 12:47 - Porjanjian Boharu Torjomahan Baso Dilakng Soari-ari

⁴⁷ Hulutn inyo udah mongotohu'i kohonda' habakngnyo, apo kinyo molabuhannyo, co siap pakai' mohimpa'inyo, io tajahan dihukupm kotakng borat.

Lukas 12:47 ပူးပေါင်းရင်းမြစ်များ

Lukas 12:41

Kato Rasul Petrus, “Tuhatn, pongajaran Duatn doi' poumpamoan nantai pakai' somuo urakng kata'an bayo pakai' koi, murid Duatn?”

Lukas 12:46

Nah, habakngnyo tajahan pulakng timpu io co monyangko, pado ari inyo kinyo dikotohu'inyo. Pasti habakngnyo nantai mohukupm hulutn nantai kotakng borat, lalu dimansu'annyo ko tompat hukupan pakai' somuo urakng inyo kinyo sotia.

Yohanes 12:48

Apo, pas ahir joman nononyo, somuo urakng inyo monula' Aku, somuo urakng inyo co mondinga' pomandiran-Ku, sia' paca'an dihukupm. Sia' paca'an dihukupm sosuai agatn ajaran inyo udah Aku sampaian. Pomandiran inyo Aku sampaian monjadi sama'an hakipm inyo mohukupm sia'

Yohanes 19:11

Timbas Yesus, “Kolai bokuaso tohadap Aku obai Allah inyo moonji'i kolai kuaso nantai. Obai nantai, urakng inyo monyorahan Aku ko kolai, io udah bulah dosa inyo lobih bosar daripado dosa inyo tajahan kolai pulah.”

Yohanes 9:41

Timbas Yesus agatn sia', “Soandainyo kaitn buto, kaitn co bodosa. Apo kaitn mongatoan kaitn ulih moniant. Jadi, ija' ado dosa kaitn.”

Kisah Boko Rasul 17:30

Timpu joman komai, ado boko banso inyo kinyo mongotohu'i caro pakai' monyombah Allah. Jadi, Allah kinyo lansukng mohukupm sia' obai boko kosalahannyo. Apo ni'in Sio porintahan somuo urakng di mono-mono gola' moninggalan dosa huatan monyonangan hati Sio.

Yakobus 4:17

Kaitn udah mongotohu'i la'apo inyo boi'. Jadi, urakng inyo udah mongotohu'i nantai, apo co molabuhannyo, urakng ubo nian bodosa.