Lukas 12:45 - Porjanjian Boharu Torjomahan Baso Dilakng Soari-ari

⁴⁵ Apo, soumpamonyo kopala' boko hulutn nantai bopikir, ‘Habakngku udah manah kinyo datakng. Pasti ija' manah. Jadi la'apo inyo ku labuhan kinyo kotohuan.’ Lalu io mula'i momantu hulutn inyo bukainyo, boi' lolaki boi' pan inyo botina'. Io pan makatn, minum, sampai komabu'an.

Lukas 12:45 ပူးပေါင်းရင်းမြစ်များ

Matius 22:6

Malahan ado inyo bukai sampai monangkap boko hulutn rajo nantai. Sia' mondorako'i huatan mombunuh boko hulutn nantai.

Lukas 12:44

Pasti, habakngnyo paca'an moangkat hulutn nantai agi' sampai io monjadi pongurus somuo kodampuan inyo monjadi umputn habakngnyo.

Lukas 12:46

Nah, habakngnyo tajahan pulakng timpu io co monyangko, pado ari inyo kinyo dikotohu'inyo. Pasti habakngnyo nantai mohukupm hulutn nantai kotakng borat, lalu dimansu'annyo ko tompat hukupan pakai' somuo urakng inyo kinyo sotia.

Lukas 21:34

“Jagocam diri kaitn. Jangan sampai ado boko hal di dunia ni'in inyo moncaci' pikiran kaitn, ubo mabu', porbuatan jahat inyo dilabuhan aman udah komabu'an, boko mosalah kohidupan ni'in. Aman pikiran kaitn samaꞌan nian, nononyo kaitn co siap timpu ari nantai datakng. Obai ari nantai tajahan datakng pakai' somuo urakng, conyiant inyo tohu, samo samaꞌan joyat ntobukan mongujut bonatakng.

Yohanes 2:10

lalu bopandir ko io, “Biasonyo urakng mombagi anggur inyo kotakng boi' lobih doholu. Aman boko tamu' udah tokosiham minum, hoyu' urakng mombagian anggur inyo biaso. Apo kolai monyimpatn anggur inyo kotakng boi' sampai ni'in!”

Kisah Boko Rasul 2:18

Watu ahir joman nantai jam, Aku paca'an moonji'i Roh-Ku malahan ko boko hulutn-Ku, lolaki huatan botina'. Sia' paca'an monyampaian posatn-Ku ko boko urakng.

Roma 16:18

Obai, boko urakng inyo molabuhan ubo nantai sobondarnyo co bokorojo molayati Kristus, Tuhatn kito. Sia' bayo honda' mongosihan kohonda' sia' siku'. Sia' momuji-muji agatn pomandiran inyo manis pakai' monipu urakng inyo co tohu tujuan sia' inyo jahat.

2 Korintus 11:20

Kaitn siap monorima' boko urakng nantai inyo momacalan kaitn, inyo monguaso'i kaitn, inyo monipu goyap kountukan doi' kaitn, inyo ongkah bompopangkakng am, inyo mohanyam kaitn.

2 Petrus 2:13

Obai sia' mombulah urakng bukai mondorita', jadi sia' paca'an mondorita' jam. Nantaiam upah inyo sia' dapat. Watu siakng ari pan, sia' sonang bopesta pora. Timpu sia' dudu' makatn borindakan agatn kaitn, sia' tama' momuasan hawa napsu sia'. Agatn sama'an nian, sia' morusa' damo kaitn.

2 Petrus 2:19

Boko guru palsu nantai bojanji obai urakng inyo tuyut ajaran sia' paca'an hidup bebas. Apo sia' siku' samo sama'an hulutn obai dosa udah mongalahan sia'. Sama'an inyo dipandiran: urakng monjadi hulutn ko sopo aja' inyo mongalahannyo.

Wahyu 16:6

Obai sia' inyo udah mombunuh boko urakng umant Allah huatan boko nabi. Jadi, ni'in Duatn momoso sia' minum darah. Cucu' sia' dihukupm sama'an nantai.”

Wahyu 18:24

(Kota nantai dihukupm obai io mombunuh boko nabi huatan boko urakng umant husus umputn Allah. Darah sia' huatan darah doi' somuo urakng inyo dibunuh di bumi kotomuan di dalapm io.)