Lukas 12:33 - Porjanjian Boharu Torjomahan Baso Dilakng Soari-ari

³³ Jadi, jualcam umputn kaitn. Ongko onju'cam duitnyo ko boko urakng jaro. Aman kaitn molabuhan hal nantai, samo sama'an kaitn bulah somacapm dompet di sorugo pakai' diri kaitn. Dompet nantai co rusa' somanah-manahnyo. Kodampuan di sorugo nantai, kinyo paca'an habis. Conyiant pongolit inyo ulih mongolitnyo. Conyiant gogat inyo ulih morusa'annyo.

Lukas 12:33 ပူးပေါင်းရင်းမြစ်များ

Matius 19:21

Kato Yesus ko io, “Aman kolai honda' monaati Allah agatn boi', pulakngcam, jual somuo umputn kolai. Lalu pombagi-bagian duitnyo ko boko urakng jaro. Agatn ubo nian, kolai paca'an bodapat kodampuan di sorugo. Lopas kolai molabuhan somuonyo nantai, datakngcam agi' ko si'itn, lalu tuyut Aku cam”

Lukas 11:41

Jadi daripado bayo momborosihi tobi' luar pirikng-mangku' nian, onji'icam pomakatn inyo ado di dalapmnyo ko boko urakng jaro. Hoyu' kaitn bondar-bondar monyonangan hati Allah.

Lukas 12:21

Lopas nian Yesus monyimpulan, “Nianam inyo tajahan tojadi agatn somuo urakng inyo mongumpulan kodampuan pakai' dirinyo siku', apo kinyo molabuhan la'apo inyo monyonangan Allah.”

Lukas 16:9

Dinga'anbo ni'in: Soharusnyo kaitn momakai kodampuan di dunia ni'in pakai' monulukng urakng bukai, oca' watu kodampuan nantai kinyo boguno agi', kaitn ditorima' dalapm sorugo.

Lukas 18:22

Mondingaꞌ nantai, Yesus bopandir ko io, “Ongkah ado sobuti' agi' inyo kurakng bolupm kolai labuhan. Pulakngcam, jual somuo umputn kolai. Ongko pombagi-bagian duitnyo ko boko urakng jaro. Aman dipulah samaꞌan nian, kolai tajahan bodapat kodampuan di sorugo. Lopas jadi kolai molabuhan somuo nantai, datakng jam agi' ko Aku, pakai' jadi murid-Ku.”

Yohanes 12:6

(Sobondarnyo, io bopandir ubo nantai bilonyo obai io honda' monulukng urakng jaro, apo obai io pongolit. Io inyo monjujut kantong pakai' duit inyo urakng bukai onju' pakai' polayatan Yesus. Huatan io hala mongolit doi' nantai.)

Kisah Boko Rasul 2:45

Jadi opat ado doi' antaro sia' inyo monjual kodampuan umputnnyo. Hasil doi' ponjualan nantai, sia' pombagi-bagian ko boko urakng bukai inyo momontikan bantu'an.

2 Korintus 8:2

Sia' diuji agatn bomacapm pondorita'an. Apo Allah mombulah hati sia' kotakan sonang. Sia' kotakan jaro, apo Allah mombulah hati sia' kotakan sonang moonji'i sumbakan pakai' monulukng urakng bukai.