Lukas 12:32 - Porjanjian Boharu Torjomahan Baso Dilakng Soari-ari

³² “Kaitn samaꞌan kabatn domba inguan inyo kocit. Apo, jangan gola'. Bopai kaitn inyo di sorugo paca'an sonang moonji'i kaitn somuo la'apo inyo kaitn pontikan obai kaitn hidup dalapm Korajaan-Nyo.

Lukas 12:32 ပူးပေါင်းရင်းမြစ်များ

Ibrani 12:28

Jadi, mara am kito bosukur ko Allah, obai kito monjadi warga Korajaan-Nyo inyo kinyo toguncakng. Mara am kito monyombah Allah agatn caro inyo monyonangan Sio, ia'an agatn hormat ongko gola' agatn Sio.

Wahyu 1:6

Sio bulah kito monjadi sobuah banso, boko imam inyo molayati Allah, Bopai-Nyo. Yesusnam inyo mulia ongko bokuaso somanah-manahnyo. Amin!

Filipi 2:13

Obai, Allah siku' bokorojo di dalapm kaitn. Sio moonju' ko kaitn kohonda' ongko komampuan pakai' monyonangan Sio.

Lukas 10:21

Timpu nantai jam, Roh Allah bulah Yesus rindakng. Kato Yesus, “Bopai, Duatn Ponguaso langit ongko bumi. Ado urakng inyo pintar-corodi' ongko bopondidikan. Apo Aku bosukur obai Duatn kinyo monyatoan kobondaran ni'in ko sia'. Duatn monyatoan kobondaran ni'in ko urakng inyo kinyo pontikng ubo bobia' kocit. Oi, Bopai, caro nantai monyonangan hati Duatn!”

Matius 25:34

Lalu, sobagai Rajo, Sio paca'an bopandir ko boko urakng di sopia' kanannyo, ‘Maracam, kaitn inyo diborokati ulih Bopai-Ku! Mansu'cam ko dalapm Koraja'an inyo disodiaan pakai' kaitn tangga'i dunia dipulah.

2 Tesalonika 1:11

Obai Allah mombalas somuo urakng agatn adil, koi hala mondoa'an kaitn. Koi bodoa oca' Allah moanggap kaitn cucu' pakai' ditingkau-Nyo. Koi pan bodoa oca' kuaso Allah monulukng kaitn pakai' molabuhan somuo inyo kaitn labuhan. Koi pan bodoa oca' Allah moonji'i kokuatan pakai' molabuhan somuo inyo kaitn labuhan obai pocayo ko Yesus.

2 Petrus 1:11

Kaitn tajahan dionji'i hak ponuh pakai' mansu' ko dalapm Koraja'an Yesus Kristus, ia'an Ponyolamant ongko Tuhatn kito. Korajaan-Nyo tajahan botahatn somanah-manahnyo.

Matius 14:27

Apo Yesus lansukng bopandir ko sia', “Bacap ni'in Aku. Jangan gola'!”

Wahyu 22:5

Conyiant malapm agi' di siatn tai. Sia' co momontikan cohayo doi' lampu damo matoari, obai Tuhatn Allah siku'mo paca'an monoraki sia'. Sia' paca'an momorintah ubo rajo sampai somanah-manahnyo.

2 Tesalonika 1:5

Nantaiam butinyo obai Allah moadili monsio agatn adil. Kaitn dianggap cucu' monjadi warga Koraja'an Allah. Nianam alasan kaitn ajab sonsaro obai kaitn hidup di Koraja'an Allah nantai.

Roma 6:23

Upah doi' dosa ia'an kito gola' mati topisah doi' Allah. Apo Allah monunju'an koboi'an-Nyo ko kito. Sio moonji'i hidup kokal ko kito obai kito bosatu agatn Kristus Yesus, Tuhatn inyo bokuaso dipucu' kito.

Yakobus 2:5

Boko somadikan inyo ku kasihi! Dinga'anbo ni'in! Allah momilih boko urakng jaro di dunia pakai' monjadi urakng inyo bondar-bondar konal agatn Sio. Obai sia' pocayo ko Yesus, jadi sia' monjadi ahli waris Koraja'an Allah. Nantaiam kodampuan inyo Allah janjian ko somuo urakng inyo mongasihi Sio.

Yohanes 18:36

Timbas Yesus, “Koraja'an-Ku kinyo boasal doi' dunia ni'in. Soandainyo Koraja'an-Ku doi' dunia ni'in, jadi boko urakng inyo molayati Aku udah bojuakng oca' Aku co disorahan ko boko pomimpitn Yahudi. Apo memang Koraja'an-Ku bukainyo doi' dunia ni'in!”

Matius 20:16

Yesus monyimpulan, “Nantai inyo Ku kohonda'i agatn pomandiran ni'in: ado urakng inyo dianggap kinyo pontikng ni'in, apo nononyo Allah paca'an bulah sia' pontikng. Ado jam urakng inyo dianggap pontikng watu ni'in, apo nononyo Allah paca'an bulah sia' kinyo pontikng.”

Matius 7:15

“Boboi'cam tohadap boko nabi palsu. Sia' pompadah boi' apo tujuan sia' jahat. Sia' samo sama'an payau ganas inyo datakng monyamar sama'an domba.

Kisah Boko Rasul 20:28

Kaitn gola' monjago diri kaitn huatan urakng bukai inyo udah pocayo agatn Yesus oca' totap pocayo. Allah udah monobus monsio doi' hukupan dosa agatn darah-Nyo sikuꞌ. Jadi, sia' udah monjadi umant Allah siku'. Kaitn udah dipilih Roh Allah pakai' momimpitn sia' nantai. Obai nantai, kaitn gola' monjago sia' samo sama'an gombala monjago kabatn dombanyo.

Kisah Boko Rasul 20:29

Aku tohu obai lopas jadi aku botula', paca'an ado boko urakng inyo datakng ko kaitn agatn ajaran inyo salah. Sia' paca'an moncubo monyosat'an urakng. Sia' samo sama'an boko payau ganas inyo honda' monyorakng boko domba kaitn.

1 Korintus 1:21

Allah bulah koputusan ni'in sosuai agatn kopintar-corodi'an-Nyo. Ia'an, Sio mombulah oca' monsio kinyo ulih mongonal Sio molalu'i kopintar-corodi'an monsio. Jadi, agatn sonang hati Allah monyolamant'an urakng inyo pocayo agatn momakai caro inyo dianggap budu, ia'an pomboritoan kabar boi'.