Lukas 12:31 - Porjanjian Boharu Torjomahan Baso Dilakng Soari-ari

³¹ Jadi, daripado ongkah momikiran mongonaꞌi hal nantai, pikirancam boko hal inyo pontikng dalapm Koraja'an Allah. Lopas nantai, somuo kopontikan kaitn paca'an dionju' ko kaitn.”

Lukas 12:31 ပူးပေါင်းရင်းမြစ်များ

Matius 6:33

Jadi, tolobih doholu goyapcam Koraja'an Allah huatan kobondaran-Nyo. Somuonyo paca'an ditambahan ko kolai. Ongko lopas nantai, somuo kopontikan kaitn paca'an dionju' ko kaitn jam.

Lukas 10:42

Apo bayo sobuti' mo inyo bondar-bondar pontikng. Somadikan kolai udah momilih hal inyo toboi' nantai, mondingaꞌan boko ajaran-Ku. Hal nantai kinyo paca'an dikuti' doi' io.”

Lukas 12:30

Boko urakng inyo kinyo mongonal Allah ongkah momikiran mongonaꞌi hal nantai. Apo kaitn udah mongonal Allah Bopai kaitn inyo tohu somuo kopontikan kaitn nantai.

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Roma 8:31

Aman kito bopikir mongona'i somuonyo nantai, la'apo inyo ulih kito pandiran? Aman Allah di pihak kito, conyiant ado la'apo pan inyo ulih mongalahan kito!

1 Timotius 4:8

Ado porbaso: ‘Aman kito bolatih oca'’ bulah bukakng-tubuh kito lobih kuat, ongko gunonyo oca' kito hidup lobih boi' di dunia ni'in. Apo, aman kito bolatih oca' hidup sosuai agatn kohonda' Allah, ongko gunonyo kito kinyo bayo hidup lobih boi' di dunia ni'in, malah kito pan ulih hidup somanah-manahnyo di sorugo.

Ibrani 13:5

Jangan cinta duit. Puasan aja'am diri kaitn agatn kodampuan inyo udah jadi umputn kaitn. Obai, Allah udah bopandir, “Aku kinyo kalo tajahan moninggalan kolai. Aku kinyo kalo tajahan mombiaran kolai sonsiku'an.”