Lukas 12:30 - Porjanjian Boharu Torjomahan Baso Dilakng Soari-ari

³⁰ Boko urakng inyo kinyo mongonal Allah ongkah momikiran mongonaꞌi hal nantai. Apo kaitn udah mongonal Allah Bopai kaitn inyo tohu somuo kopontikan kaitn nantai.

Lukas 12:30 ပူးပေါင်းရင်းမြစ်များ

Matius 10:20

Jadi, sobondarnyo nantai bukainyo kaitn inyo bopandir. Apo Roh Allah Bopai di dalapm kaitn paca'an bulah kaitn momadahan pomandiran nantai.

Matius 18:14

Ubo nian jam Bopai kaitn di sorugo kinyo honda' salah siku' bobia' kocit sosat.

Matius 5:47

Aman kaitn monyampaian salapm bayo ko boko somadikan kaitn mo, nantai bukainyo porbuatan inyo lobih boi' doi' urakng bukai. Obai boko urakng inyo bolupm mongonal Allah bulah ubo nian jam.

Matius 6:1

“Boboi'cam timpu kaitn molabuhan porbuatan boi' inyo sosuai agatn agama. Jangan molabuhan porbuatan nantai di hadapan urakng oca' ditiat sia'. Obai aman kaitn bulah sama'an nian, Bopai kaitn di sorugo kinyo paca'an moonji'i upah ko kaitn obai porbuatan boi' nantai.

Matius 6:32

Boko urakng inyo kinyo konal Allah hala bogoyap somuonyo nantai. Apo Allah Bopai kaitn di sorugo udah tohu somuo kopontikan kaitn nantai.

Matius 6:8

Jadi, padohan kaitn bodoa sama'an sia'. Obai, Allah Bopai kaitn udah mongotohu'i kopontikan kaitn sobolupm kaitn mominto ko Sio.

Lukas 12:29

Jangan bulah tujuan kohidupan kaitn bayo momikiran mongonaꞌi makatn-minum. Jangan kuatir hal nantai.

Lukas 12:31

Jadi, daripado ongkah momikiran mongonaꞌi hal nantai, pikirancam boko hal inyo pontikng dalapm Koraja'an Allah. Lopas nantai, somuo kopontikan kaitn paca'an dionju' ko kaitn.”

Lukas 12:32

“Kaitn samaꞌan kabatn domba inguan inyo kocit. Apo, jangan gola'. Bopai kaitn inyo di sorugo paca'an sonang moonji'i kaitn somuo la'apo inyo kaitn pontikan obai kaitn hidup dalapm Korajaan-Nyo.

Yohanes 20:17

Kato Yesus ko io, “Jangan moncanggapm Aku obai Aku bolupm noi' ko Bopai. Apo, botula'cam ko boko somadikan-Ku. Padahan ko sia' obai ni'in Aku paca'an botula' ko Bopai-Ku, Sio pan Bopai kaitn jam. Sio nam Allah-Ku huatan Allah kaitn jam.”

Efesus 4:17

Obai nantai aku momandiran ni'in, malahan aku monyiuh kaitn dalapm Tuhatn: Jangan agi' hidup sama'an boko urakng inyo kinyo mongonal Allah. Pikiran sia' sia-sia.

1 Tesalonika 4:5

Jangan biaran diri kaitn dikuaso'i hawa napsu sama'an boko urakng inyo kinyo mongonal Allah.