Lukas 12:28 - Porjanjian Boharu Torjomahan Baso Dilakng Soari-ari

²⁸ Boko kombakng liar di lakau tumbuh sobontar mo, opat ditobas ongko dicucul. Apo Allah totap bulahnyo boi'. Kaitn lobih borogo daripado boko kombakng liar di lakau nantai. Jadi, pasti Allah paca'an monyodia'an banggi-pakaian pakai' kaitn. Apo kaitn kurakng pocayo!

Lukas 12:28 ပူးပေါင်းရင်းမြစ်များ

Matius 14:31

Yesus lansukng mouluran longan-Nyo, moncanggapm Petrus. Kato Yesus, “Kolai kurakng pocayo! Kuba'annyo kolai jangan gangga'-gua'an!”

Matius 17:20

Yesus monimbasi sia', “Kaitn kinyo ulih monundukng roh jahat nantai obai kaitn kurakng pocayo. Dinga'anbo ni'in: Aman kaitn pocayo sodikit ja', soumpamo kaitn monyiuh bukit ni'in, ‘Pindahcam ko su'utn!’ Ongko bukit ni'in paca'an pindah. Aman kaitn pocayo sama'an nantai, kinyo paca'an ado sosuatu inyo kinyo ulih kaitn pulah. [

Matius 6:30

Rumput di padakng tumbuh somontaro mo, opat ditota' ongko dicucul, tomansu' boko kombakng bakukng nantai. Apo Allah totap bulahnyo boi'. Pasti Allah paca'an monulukng kaitn lobih daripado rumput huatan kombakng di padakng. Apo kaitn kurakng pocayo!

1 Petrus 1:24

Ubo ni'inan inyo totulis di Buku Suci: “Somuo monsio inyo hidup samo sama'an rumput. Rumput nantai monjadi rangkai lalu mati. Somuo hal inyo bulah monsio hebat samo sama'an kombakng rumput, kombakng nantai jatu'.

Lukas 8:25

Yesus monogur sia'. Kato-Nyo, “Kaitn gola' boiman inyo lobih kuat!” Sia' gola' huatan topocongo jam. Ongko bopandir ko siku'-monyiku', “Urakng ni'in kotakan luar biaso. Pas Sio mohakap, angin bonakau ongko golumbakng bosarpan botongga'.”

Matius 17:17

Lalu, Yesus bopandir, “Urakng timpu joman ni'in jahat huatan kinyo pocayo! Ija' apo manah agi', Aku gola' bosamo agatn kaitn! Ija' apo manah agi', Aku gola' bosabar agatn kaitn!” Lalu Yesus bopandir ko Bopai bobia' nantai, “Baba' ana' kolai nantai ko si'itn.”

Matius 16:8

Apo Yesus mongotohu'i la'apo inyo sia' kisahan. Jadi Sio bopandir, “Kuba'annyo kaitn jangan botikakan mongona'i co nyiant roti! Kaitn kurakng pocayo ko Aku!

Matius 8:26

Kato Yesus ko sia', “Kaitn inyo kurakng pocayo, kaitn jangan gola'.” Lalu Yesus bodiritn ongko monyiuh bonakau huatan danau nantai botongga'. Ongko, lansukng danau nantai monjadi diapm.

Ibrani 6:7

Porotian gambaran ni'in: Ado lakau inyo moinsap ara'i hujatn inyo opat turutn ko pucu'nyo. Aman lakau nantai ado hasil boko tontanaman inyo boguno pakai' urakng inyo mongorojoan lakau nantai, jadi lakau nantai monorima' borokat doi' Allah.