Lukas 11:9 - Porjanjian Boharu Torjomahan Baso Dilakng Soari-ari

⁹ “Porotiancam, ubo nian jam halnyo agatn doa. Mintocam, kaitn paca'an dionji'i. Goyapcam, kaitn paca'an bodapat. Ketokcam, kaitn paca'an dibuka'an lawakng.

Lukas 11:9 ပူးပေါင်းရင်းမြစ်များ

Markus 11:24

Obai nantai am, Aku bopandir ni'in ko kaitn: La'apo aja' inyo kaitn pinto dalapm doa, pocayo cam obai Allah udah moonju'nyo ko kaitn. Lopasnyo, kaitn tajahan monorima'nyo.

Matius 21:22

La'apo pan inyo kaitn minto dalapm doa, kaitn paca'an monorima'nyo, aman kaitn pocayo.”

Yohanes 15:16

Bukainyo kaitn inyo momilih Aku, apo Akunam inyo momilih kaitn. Aku moutus kaitn oca' kaitn botula' ongko bobuah lobat, ia'an buah inyo tahatn somanah-manahnyo. Aman kaitn molabuhan nantai lalu, Bopai paca'an moonji'i kaitn lapo inyo kaitn minto doi' Sio dalapm damo-Ku.

Yohanes 15:7

Kaitn gola' bosatu agatn Aku huatan pomandiran-Ku gola' ado di dalapm hati kaitn. Aman ubo nian, minto ja'am lapo ja' inyo kaitn kohonda'i, lalu kaitn paca'an dionji'inyo.

Yohanes 14:13

lalu Aku paca'an molabuhan apo saja' inyo kaitn pinto dalapm damo-Ku. Aku paca'an molabuhannyo, oca' Aku ulih monunju'an obai Bopai Ku mulia

1 Yohanes 3:22

Sio moonji'i kito lapo ja' inyo kito minto obai kito monoruti somuo porintah-Nyo, huatan obai kito molabuhan la'apo pan inyo monyonangan hati-Nyo.

Yakobus 1:5

Aman ado inyo kurakng pintar-corodi', io gola' minto doi' Allah. Lalu, Allah paca'an moonji'i pintar-corodi'. Obai, Allah gala' moonji'i ko somuo urakng. Sio co monyalahan urakng inyo minto.

Ibrani 11:6

Aman urakng kinyo pocayo, co mungkitn io ulih monyonangan hati Allah. Obai, urakng inyo datakng ko Allah gola' pocayo obai Allah ado. Io pan gola' pocayo obai Allah moonji'i upah ko sotiap urakng inyo bondar-bondar moncari'i Sio.

Yakobus 5:15

Aman sia' bobondar pocayo, jadi Tuhatn paca'an monyamanan urakng sakit nantai. Biar pan io udah bulah dosa, Tuhatn paca'an moamputinyo.

Ibrani 4:16

Obai sama'an nian am Imam Agukng kito, mara cam kito borani bodoa ko Allah inyo monunju'an kasih karunia-Nyo. Agatn sama'an nantai, Allah paca'an monunju'an bolas kasih ongko kasih karunia-Nyo ko kito. Sio paca'an monulukng kito topat watunyo.

Yohanes 4:10

Timbas Yesus, “Kolai bolupm tohu mongona'i poonju' doi' Allah. Sobondarnyo kolai bolupm konal sopo Aku inyo minto minum. Aman kolai tohu boko hal nantai, pasti kolai inyo minto minum ko Aku. Lalu, Aku paca'an moonji'i kolai ara'i kohidupan.”

Matius 6:29

Apo dinga'anbo: Sotiap kombakng nantai jouh lobih boi' daripado pakai'an mahal sama'an inyo dipakai Rajo Salomo joman komai!

2 Korintus 6:2

Obai, di dalapm Buku Suci, Allah bopandir, “Watu Aku sotuju, Aku mondinga'an kolai. Watu ari kosolamant'an, Aku monyolamant'an kolai.” Dinga'ancam, boko somadikan! Watu ni'inan ia'an watu inyo sotuju nantai. Ari ni'in ia'an ari kosolamant'an nantai!

Markus 13:37

La'apo inyo Ku pandiran ko kaitn, Ku pandiran jam ko somuo urakng: Bojago-jagocam!”

Roma 2:7

Allah paca'an moonju' kohidupan kokal ko urakng inyo kinyo monyorah pakai' bulah koboi'an, ia'an urakng inyo bulah koboi'an obai moncari' komulia'an huatan hormat doi' Allah, huatan honda' dionji'i hidup kokal doi' Sio.

Matius 21:31

Nah, doi' antaro duo ana'nyo nantai, inyo mono molabuhan kohonda' bopainyo?” Timbas sia', “Inyo potamo.” Kato Yesus ko sia', “Dinga'anbo! Yohanes Pombaptis datakng pakai' monunju'an ko kaitn caro hidup bondar di hadapan Allah. Apo kaitn co pocayo agatn io. Apo boko urakng inyo bodosa sama'an boko ponagih pajak huatan boko botina' lahukng, sia' pocayo ko Yohanes. Biar pan kaitn moniant nantai, apo lopas nian kaitn co monyosal. Kaitn totap co pocayo ko io. Obai nantaiam, boko ponagih pajak huatan boko botina' lahukng paca'an lobih doholu monjadi anggota koluarga Koraja'an Allah daripado kaitn.”

Wahyu 2:24

Apo ko boko urakng bukai di Tiatira, kaitn inyo co tuyut ajaran jahat nantai, kaitn inyo monula' ajaran nantai inyo disobut pongotohuan doi' Rajo Sitatn, ko kaitn Aku bopandir: Aku cuku paca'an monambahi bobatn bukainyo ko kolai.

Lukas 11:10

Obai sotiap urakng inyo mominto paca'an monorima'; sotiap urakng inyo bogoyap tajahan bodapat; huatan lawakng tajahan dibuka'an pakai' sotiap urakng inyo mongetok.”