Lukas 11:7 - Porjanjian Boharu Torjomahan Baso Dilakng Soari-ari

⁷ Mungkitn aja' totangga boi'nyo nantai ulih monula' obai bolai' disusahan. Obai udah malapm, lawakngnyo udah disongkalam, io udah tidu', boko poana'annyo udah tidu' jam. Io kinyo honda' huas pakai' moonji'i la'apo pan ko io.

Lukas 11:7 ပူးပေါင်းရင်းမြစ်များ

Lukas 13:25

Nono umputn rumah tajahan monutup lawakngnyo. Ado di antaro kaitn inyo paca'an di luar, mongetok-ngetok kapikng bopandir, ‘Habakng, buka'bo lawakng pakai' koi!’ Habakng nantai paca'an monimbas, ‘Cado! Aku co konal agatn kaitn.’

Galatia 6:17

Aku didorako'i obai aku rasul Yesus. Di bukakngku ija' ado bokas boko luko didorako'i. Obai nantai, mula'i doi' ni'in, jangannam ado urakng inyo monyusahan aku.

Lukas 7:6

Yesus botula' sosamo agatn sia' ko rumah powira tontara nantai. Apo kali sia' hampikng am ko rumah powira tontara nantai, powira tontara nantai monyiuh boko pokawalannyo monomu'i Yesus pakai' monyampaian posatn agi' ko Sio, “Duatn pompadohan nam datakam ko rumahku, obai aku kinyo patut Duatn dataki.

Matius 25:10

Lalu boko botina' daro inyo budu nantai botula' momboli minya'. Apo, tongahan sia' bojalatn, pongantitn lolaki nantai datakam. Kolima' botina' inyo udah siap ulih mansu' ko pogai kawitn nantai bosamo-samo agatn pongantitn lolaki. Lalu, lawakng ditutupam.

Lukas 11:8

Apo porotianbo ni'in. Mungkitn totangga boi'nyo nantai bopikir kawal akrab kinyo monjadi alasan inyo cukup kuat pakai' io honda' huas moonji'i roti nantai ko kawalnyo. Apo obai io co mooso malu mominto, pasti io paca'an huas, moonji'i ko kawalnyo la'apo inyo dipontikan.”