Lukas 11:53 - Porjanjian Boharu Torjomahan Baso Dilakng Soari-ari

^53-54 Lopas Yesus udah momandiran somuonyo nantai, Sio botula' doi' rumah urakng Farisi nantai. Doi' nantai, boko urakng Farisi ongko boko guru agama Yahudi molawatn Sio agatn koras, sia' kotakan godi bondar. Sia' hala botakutn ko Yesus pakai' moncubo'i Sio. Sia' mongohonda'i Sio momandiran sosuatu inyo salah, oca' sia' ulih monggunoannyo pakai' alasan monuduh Sio.

Lukas 11:53 ပူးပေါင်းရင်းမြစ်များ

1 Korintus 13:5

Urakng inyo mongasihi nantai ia'an urakng kinyo botindak agatn kasar. Io kinyo bayo momikiran kopontikan dirinyo siku'. Io kinyo copat godi. Io kinyo moingant-ingant kosalahan urakng bukai.

Lukas 20:27

Di santai pan ado boboropo pomimpitn agama Yahudi doi' kolompok Saduki. Sia' kinyo pocayo urakng tajahan hidup agi' lopas jadi mati. Sia' honda' mombutian aman sia' nantai bondar, jadi sia' datakng ko Yesus, botakutn mongonaꞌi hal nantai.

Lukas 20:20

Jadi, boko guru agama Yahudi huatan boko imam kopala' bogoyap caro oca' sia' ulih mombaba' Yesus ko gubernur Romawi pakai' dihukupm. Lalu sia' hala borotian Yesus. Malahan sia' moncubo bulah gogadatn pakai' Sio. Sia' moutus boboropo urakng ko Yesus pakai' botakutn ubonyo tujuannyo boi', apo sobondarnyo sia' honda' oca' Yesus mongatoan sosuatu inyo salah.

Lukas 11:52

“Allah tajahan mohukupm kaitn boko guru agama Yahudi, obai ponyongkal pakai' mombuka' lawakng pongotohuan mongonaꞌi Allah kaitn kuti', apo kaitn siku' kinyo honda' mansu' ko dalapm pakai' bogoyap pongotohuan nantai. Sobali'nyo kaitn hala mohalaki boko urakng inyo bousaha mansu'.”

Kisah Boko Rasul 26:9

Komai aku pan bopikir obai aku gola' molawatn agatn koras somuo urakng inyo pocayo agatn Yesus doi' Nazaret.

2 Korintus 8:6

Obai sia' molabuhan nantai, lalu koi minto oca' Titus monjongu' kaitn oca' jadiam mongumpulan sumbakan nantai doi' kaitn. Memang komai io inyo momula'i polayatan inyo boi' nantai.