Lukas 11:42 - Porjanjian Boharu Torjomahan Baso Dilakng Soari-ari

⁴² Allah tajahan mohukupm kaitn boko urakng Farisi obai porbuatan kaitn samaꞌan ni'in. Kaitn moonju' ko Allah populuhan doi' hasil somuo tontanaman sampai inyo tokocit pan ubo boko rorompahan. Apo kaitn kinyo adil agatn urakng bukai. Kaitn kinyo bondar-bondar mongasihi Allah. Poonju' populuhan nantai boi'. Apo jangan sampai tongkolupatn koadilan agatn kasih Allah jam!

Lukas 11:42 ပူးပေါင်းရင်းမြစ်များ

Matius 23:23

Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' ja'. Kaitn moonju' ko Allah populuhan doi' hasil somuo tontanaman sampai inyo tokocit pan sama'an boko rorompahan solasih, adas manis, ongko jintatn. Apo kaitn co monaati boko porintah Allah dalapm Hukupm Torat inyo lobih pontikng. Ia'an nantai, koadilan, bolas kasihan huatan kosotiaan. Kaitn pontikng moonju' populuhan. Apo jangan sampai tongkolupatn monaati boko porintah inyo pontikng nantai jam!

Lukas 18:12

Aku bopuaso duo kali sominggu. Aku moonju' populuhan ko Allah doi' somuo pongulihanku.’

1 Yohanes 4:20

Aman ado urakng inyo bopandir, “Aku mongasihi Allah,” apo urakng nantai bonci'an somadikannyo, jadi urakng nantai bulah kotumbukan. Obai, urakng inyo co mongasihi somadikannyo inyo kotiat'an, co mungkitn io ulih mongasihi Allah inyo kinyo kotiat'an.

Matius 23:27

Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi'. Kaitn samo sama'an pasaran inyo di cat putih. Di luarnyo kotiat'annyo boi' apo di dalapmnyo bisi agatn boko tulakng urakng mati huatan somuonyo buru'.

Yohanes 5:42

Apo Aku mongonal kaitn. Kaitn co bobondar mongasihi Allah dalapm hati kaitn.

Matius 23:13

“Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' apo hati kaitn jahat. Kaitn mohalaki urakng pakai' mansu' monjadi anggota koluarga Koraja'an Sorugo. Kaitn siku' co honda' mansu'. Apo, kaitn mohalaki boko urakng inyo bousaha mansu'. [