Lukas 11:4 - Porjanjian Boharu Torjomahan Baso Dilakng Soari-ari

⁴ Amputicam boko dosa koi, obai koi pan moamputi sotiap urakng inyo bosalah agatn koi. Tulukngcam koi oca' koi totap monuruti Duatn watu ado inyo moncubo'i koi oca' bulah dosa.’ ”

Lukas 11:4 ပူးပေါင်းရင်းမြစ်များ

Matius 18:35

Samo sama'an rajo nantai mohukupm hulutnnyo, Allah Bopai-Ku di sorugo paca'an mohukupm kaitn aman kaitn co somombondarannyo moamputi boko somadikan kaitn.”

Matius 26:41

Bojojago cam ongko bodoacam oca' kaitn totap pocayo watu dicubo'i. Memang hati kaitn honda' botahatn mohadapi coba'an, apo tobiat monsio kaitn lomah.”

Lukas 11:5

Lopas nian Yesus moumpamoan doa agatn poumpamoan ni'in, “Misalnyo ado siku' urakng doi' antaro kaitn ntobukan ado kawal inyo singgah di rumahnyo, obai io tongahan dalapm pojalatan. Apo io conyiant pomakatn la'apo pan pakai' dionji'i ko kawalnyo nantai. Jadi, biar pan udah tongah malapm, io gola' botula' ko rumah totangga boi'nyo, mominto oca' dipinjapi tigo pingkai' roti.

Lukas 13:4

Sama'an nian jam borito mongonaꞌi dolapatn bolas urakng inyo mati watu monara Siloam di kota Yerusalem robah moninggakng sia'. Jangan bopikir nian tojadi ko sia' obai sia' lobih bodosa doi' boko urakng bukai di kota Yerusalem.

Lukas 22:46

Sio monggagaian ongko bopandir ko sia', “Kaitn jangan tidu'! Bodoacam oca' kaitn co jatu' ko dalapm poncoba'an.”

Lukas 8:13

Bonih inyo jatu' di tanah rado batu nantai samo sama'an boko urakng inyo mondingaꞌ pomandiran Allah, monorima'nyo kotakng rindakng. Apo bayo pocayo sobontar mo obai hati sia' kinyo borubah. Samo ubo tontanaman di tanah inyo bobatu bayo tumbuh sobontar obai kinyo boakar. Aman boko urakng ubo nantai mohadapi pouyuh-ponjorih, sia' kinyo pocayo agatn pomandiran Allah agi'.

Yohanes 17:15

Aku co minto oca' Duatn monguti' sia' doi' dunia ni'in, apo oca' Duatn molinduki sia' doi' inyo jahat, ia'an Rajo Sitatn.

1 Korintus 10:13

Kaitn dicubo'i agatn caro inyo dialapi boko urakng bukai jam. Apo Allah hala sotia. Sio kinyo mombiaran kaitn dicubo'i lobih daripado kokuatan kaitn. Solaitn nantai, watu kaitn dicubo'i, Allah pan paca'an moonji'i jalatn koluar ko kaitn. Oca' kaitn mampu mohadapi coba'an nantai.

Kolose 3:13

Aman ado urakng inyo bulah kosalahan agatn urakng bukai, kaitn gola' samo-samo sabar tohadap inyo bukai huatan samo moamputi, ongko kaitn pan gola' moamputi urakng bukai.

2 Tesalonika 3:3

Apo Tuhatn Yesus hala sotia. Sio paca'an monguat'an hati kaitn. Sio paca'an molinduki kaitn doi' Rajo Sitatn.

2 Timotius 4:18

Tuhatn paca'an monyolamant'an aku doi' somuo usaha urakng jahat. Sio paca'an mombaba'ku agatn solamant ko dalapm Korajaan-Nyo di sorugo. Huncapm kito momuji Sio somanah-manahnyo. Amin!

Yakobus 2:13

Watu ari ponghakipan Allah co paca'an monunju'an koboi'an ko urakng inyo co monunju'an koboi'an. Apo, boko urakng inyo monunju'an koboi'an, sia' co gola' dihukupm.

Wahyu 2:10

Jangan gola' biar pan co manah agi' kaitn paca'an ajab sonsaro. Porotiancam, Rajo Sitatn paca'an moncubo mombulah sobagi'an doi' kaitn oca' co pocayo ko aku agi'. Kaitn paca'an ditikapan ko dalapm ponjara lalu didorako'i sopuluh ari manahnyo. Apo kaitn gola' sotia ko aku, biar pan sampai mati. Lalu, Aku paca'an moonji'i ko kaitn kohidupan kokal di sorugo.

Wahyu 3:10

Kaitn udah monaati porintah-Ku pakai' botahatn dalapm mohadapi ajab sonsaro. Obai niannam, Aku paca'an molinduki kaitn doi' masa kosusahan inyo paca'an monimpa soluruh dunia. Hal nantai tojadi pakai' mouji somuo monsio inyo bodiapm di bumi.