Lukas 11:39 - Porjanjian Boharu Torjomahan Baso Dilakng Soari-ari

³⁹ Yesus pan bopandir ko urakng Farisi nantai, “Kaitn boko urakng Farisi biasonyo momborosihi pirikng-mangku' tobi' luarnyo ja'am obai kaitn bopikir nantai paca'an monyonangan hati Allah. Apo di dalapm hati kaitn siku' ija' bisi agatn kotama'an huatan kojahatan.

Lukas 11:39 ပူးပေါင်းရင်းမြစ်များ

Matius 15:19

Obai boko pikiran jahat sama'an ni'in boasal doi' hati: pikiran pakai' mombunuh, bomporajoan bulah dosa, mongolit, bulah kotumbukan mongutu' uyakng.

Matius 7:15

“Boboi'cam tohadap boko nabi palsu. Sia' pompadah boi' apo tujuan sia' jahat. Sia' samo sama'an payau ganas inyo datakng monyamar sama'an domba.

Lukas 16:15

Apo Yesus bopandir ko sia', “Kaitn bousaha oca' di hadapan urakng bukai kaitn kotiat'annyo boi' huatan hala bondar. Apo Allah tohu isi hati kaitn inyo sobondarnyo jahat. Banyaꞌ hal inyo dirogo'i ulih monsio, kinyo dirogo'i ulih Allah.

Lukas 7:13

Watu Yesus moniant botina' balu nantai, Sio mooso kotakan kasih. Yesus bopandir ko botina' balu nantai, “Jadi am monangis indai.”

Lukas 7:19

Ongko Yohanes moningkau duo urakng muridnyo, huatan monyiuh sia' botula' monomu'i Tuhatn Yesus pakai' botakutn ko Sio, “Apobai Duatn ninam kila'an Rajo Inyo Dijanjian Allah, kata'an koi gola' ija' monanti kodatakan urakng bukai?”

Yohanes 12:6

(Sobondarnyo, io bopandir ubo nantai bilonyo obai io honda' monulukng urakng jaro, apo obai io pongolit. Io inyo monjujut kantong pakai' duit inyo urakng bukai onju' pakai' polayatan Yesus. Huatan io hala mongolit doi' nantai.)

Yohanes 13:2

Jadi, watu nantai Yesus agatn boko murid-Nyo tongahan makatn malapm. (Sobolupm nantai, Rajo Sitatn udah bokorojo di dalapm hati Yudas Iskariot, ana' Simon. Rajo Sitatn mombulah oca' Yudas honda' monyorahan Yesus ko boko musuh-Nyo.)

Kisah Boko Rasul 5:3

Apo Petrus bopandir, “Ananias, kolai udah mombiaran Rajo Sitatn monguaso'i hati kolai! Kolai moncubo monipu Roh Allah. Kolai tumbukan mongona'i hasil monjual tanah kolai inyo sobondarnyo. Kolai monyimpatn sobagi'an pakai' diri kolai siku'.

Galatia 1:14

Aku kotakng rajitn bolajar somuo poraturan agama Yahudi. Aku bolajar nantai lobih doi' somuo urakng Yahudi bukai inyo soumur agatn aku. Aku jam kotakan monaati somuo poraturan doi' angki-bayatn kito nantai.

2 Timotius 3:5

Kotiat'annyo sia' hidup sosuai agatn kohonda' Allah. Apo sobondarnyo, sia' co honda' tundu' agatn kuaso Allah dalapm hidup sia'. Padohan mondinga'an boko urakng sama'an nantai.

Titus 1:15

La'apo pan ia'an suci bagi boko urakng suci. Apo bagi boko urakng inyo pikirannyo jahat huatan kinyo pocayo, co nyiant inyo suci, obai pikiran huatan hati sia' udah jahat.

Yakobus 4:8

Jalitncam hubukan inyo boi' agatn Allah, lalu Sio paca'an boi' agatn kaitn. Oi boko urakng inyo bodosa! Jangan bulah dosa agi'. Oi boko urakng inyo bocabakng hati! Borosihicam hati kaitn!