Lukas 11:36 - Porjanjian Boharu Torjomahan Baso Dilakng Soari-ari

³⁶ Aman soluruh bukakng-tubuh urakng torakng, huatan conyiant sobagi'an pan inyo golap, jadi soluruh bukakng-tubuh urakng nantai torakng bondar, samaꞌan dipanjah cohayo pompolitoan.”

Lukas 11:36 ပူးပေါင်းရင်းမြစ်များ

Matius 13:52

Lalu Yesus bopandir ko sia', “Obai nantai sotiap guru agama Yahudi inyo monorima' polajaran mongona'i koraja'an sorugo nantai, samo sama'an siku' puku' rumah agatn boko bando barakngnyo. Doi' santai, io mongoluaran kodampuan inyo boharu ongko kodampuan inyo manah.”

Matius 5:15

Damo samo sama'an pompolitoan. Aman ado urakng inyo monokil pompolitoan, io kinyo monungkau'inyo agatn roga'. Sobali'nyo, io molota'annyo di tompat tobuka' oca' monoraki somuo urakng di dalapm rumah nian.

Lukas 11:35

Jadi, boboi'cam! Jangan sampai kaitn bopikir ado torakng didiri kaitn, sobondarnyo kinyo torakng apo golap.

Lukas 11:37

Lopas Yesus jadi bopandir, ado siku' urakng Farisi mohundakng Sio makatn di rumahnyo. Yesus pan botula' ko rumahnyo, ongko dudu' makatn di siatan.

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

Kolose 3:16

Kohonda'nyo ajaran Kristus somombondarannyo mansu' ko dalapm hati kaitn huatan monguaso'i caro hidup kaitn siku'-monyiku'. Kaitn gola' samo mongajar, samo moingant'an agatn somuo kopintar-corodi'an. Nyanyiancam mazmur, puji-pujian, nyanyian mongona'i Allah. Bonyanyicam agatn bosukur ko Allah dalapm hati kaitn.

Ibrani 5:14

Apo pomakatn korikng nantai pakai' boko urakng dewasa, ia'an boko urakng inyo udah molatih diri sia' pakai' mombedaan inyo boi' doi' inyo jahat.

Yakobus 1:25

Apo Allah momborokati urakng inyo mondinga'an Pandir Allah ongko monaatinyo. Urakng ubo nantai momporhatian Hukupm inyo sompurna, ia'an ajaran inyo mombebasan. Io hala ingant molabuhannyo huatan co kalo mongolupatannyo.

2 Petrus 3:18

Apo, kaitn gola' botumbuh somongkitn mongonal Yesus Kristus, Ponyolamant huatan Tuhatn inyo bokuaso dipucu' kito. Kironyo kaitn somongkitn sadar mongona'i koboi'an-Nyo. Topujicam Sio, watu ni'in sampai somanah-manahnyo. Amin!