Lukas 11:2 - Porjanjian Boharu Torjomahan Baso Dilakng Soari-ari

² Ongko Yesus bopandir, “Aman kaitn bodoa, dinga' ni'in bunyinyo, ‘Bopai, koi bodoa kironyo somuo urakng mohormati damo Duatn. Datakngcam Koraja'an Duatn.

Lukas 11:2 ပူးပေါင်းရင်းမြစ်များ

Matius 10:32

Sotiap urakng inyo moaku'i Aku di hadapan urakng bukai Aku pan paca'an moaku'inyo di hadapan Bopai-Ku inyo di sorugo.

Matius 3:2

“Koraja'an Sorugo udah dampikam! Jadi, botongga'cam kaitn bulah dosa ongko kaitn monyonangan hati Allah.”

Matius 5:16

Porbuatan boi' kaitn samo sama'an torakng. Jadi, kaitn gola' bulah koboi'an di hadapan urakng oca' sia' ulih moniant nantai. Lalu sia' paca'an momuji Allah Bopai kaitn di sorugo.”

Lukas 11:1

Pas ari nantai, Yesus bodoa di sobuah tompat. Watu Sio jadi bodoa, boko murid-Nyo bopandir agatn Sio, “Tuhatn, padahibo koi bodoa, samo agatn Yohanes mongajar boko muridnyo bodoa.”

Roma 8:15

Komainyo, kaitn samo sama'an pacal inyo ponggola'an. Apo, Roh Allah inyo dionju' ko kaitn kinyo bulah kaitn monjadi samo sama'an nantai agi'. Roh Allah bulah kaitn monjadi poana'an Allah. Obai Roh-Nyo nantai, kito moningkau, “Oi Allah! Duatn Bopaiku!”

1 Korintus 1:3

Kasih karunia ongko sonang-asau doi' Allah, Bopai kito, huatan doi' Tuhatn Yesus Kristus monyoroto'i kolai.

2 Korintus 1:2

Aku bodoa oca' Allah Bopai kito ongko Tuhatn Yesus Kristus hala monunju'an koboi'an ongko moonji'i sonang-asau ko kaitn.

Galatia 1:4

Yesus monyorahan diri-Nyo huatan mati di kayu salib. Agatn porbuatan nantai, Sio monyolamant'an kito doi' hukupan boko dosa kito. Sio molabuhan nantai pakai' monyolamant'an kito doi' kojahatan inyo ado di joman ni'in jam. Somuo nantai tojadi sosuai agatn kohonda' Allah.

Efesus 1:2

Aku bodoa oca' Allah Bopai kito huatan Tuhatn Yesus Kristus monunju'an kasih karunia ongko moonji'i sonang-asau ko kaitn.

Filipi 1:2

Aku bodoa oca' Allah Bopai kito ongko Tuhatn Yesus Kristus monunju'an kasih karunia ongko moonji'i sonang-asau ko kaitn.

Filipi 4:20

Topujicam Allah Bopai kito somanah-manahnyo! Amin.

1 Tesalonika 1:1

Ko inyo tohormat boko urakng pocayo di kota Tesalonika. Kaitn inyo monjadi umputn Allah Bopai ongko Yesus Kristus, Tuhatn inyo bokuaso di pucu' kito. Salapm doi' aku, Paulus ongko doi' Silas huatan Timotius. Kasih karunia ongko sonang-asau doi' Allah, Bopai kito, huatan Tuhatn Yesus Kristus monyoroto'i kolai.

1 Tesalonika 1:3

Koi bosukur ko Allah Bopai kito obai koi moingant caro hidup kaitn. Ia'an, obai kaitn pocayo ko Yesus huatan udah moniant'an dalapm porbuatan kaitn inyo nyata. Kaitn mongasihi urakng bukai agatn somombondarannyo monulukng sia'. Ongko kaitn totap kuat ongkah boharap ko Yesus Kristus, Tuhatn kito.

2 Tesalonika 2:16

Allah Bopai huatan Yesus Kristus, Tuhatn kito, mongasihi kito. Sio monguat'an hati kito somanah-manahnyo. Sio jam bulah kito kotakng yakitn obai Sio paca'an momonuhi somuo janji inyo boi' pakai' kito. Koi bodoa oca' Allah Bopai huatan Yesus Kristus, Tuhatn kito

Wahyu 11:15

Lopas nian, molekat inyo kotujuh moniup trompetnyo. Watu nantai, ado boko saro borakng di sorugo bopandir, “Koraja'an di dunia ni'in udah dikuaso'i Tuhatn Allah huatan Rajo Inyo Dijanjian-Nyo, ia'an Kristus. Sio paca'an momorintah somanah-manahnyo!”

Wahyu 15:4

Boko urakng somuonyo paca'an mohormati Duatn, Au Tuhatn! Boko urakng somuonyo paca'an momuji damo Duatn. Obai ongkah Duatam inyo suci. Somuo banso paca'an datakng monyombah Duatn, obai boko urakng udah moniant Duatn mohakipi agatn bondar”.

Wahyu 19:6

Lopas jadi aku mondinga' bunyi sama'an saro borakng doi' banya' urakng. Saro nantai borakng sama'an bunyi guruh golumbakng lout, sama'an bunyi guntur solitar. Sia' bopandir, “Haleluya! Pujicam Tuhatn Allah kito inyo Maho Kuaso obai Sio udah momorintah.

Wahyu 20:4

Lalu, aku moniant boko tahta. Boko urakng inyo dudu' di pucu'nyo dionji'i kuaso pakai' mohakipi. Aku pan moniant boko jiwa sia' inyo diponggal kopala'nyo obai sia' bosasi mongona'i Yesus ongko momboritoan Pomandiran doi' Allah. Ia'an sia' inyo co monyombah bonatakng ongko lompatukng nantai, sia' inyo kinyo monorima' tando bonatakng nantai di koning huatan jarinyo. Sia' hidup agi' lalu momorintah sobagai rajo bosamo Kristus somanah soribu tohutn nantai.