Lukas 11:18 - Porjanjian Boharu Torjomahan Baso Dilakng Soari-ari

¹⁸ Sama'an nian jam di dalapm koraja'an Sitatn. Ado urakng inyo bopandir Aku monundukng roh jahat agatn kuaso Rajo Sitatn. Pasti nian salah. Obai aman koraja'an Sitatn tobagi-bagi, hala bolawatan, pasti kinyo ulih botahatn jam.

Lukas 11:18 ပူးပေါင်းရင်းမြစ်များ

Matius 10:25

Udah cukup aman siku' urakng murid monjadi samo sama'an gurunyo huatan siku' urakng hulutn monjadi samo sama'an habakngnyo. Aku ni'in pomimpitn kaitn huatan sia' udah moningkau Aku sobagai Rajo Sitatn. Jadi, pasti paca'an mompolakuan kaitn agatn lobih jahat agi'!.”

Matius 12:26

Ubo nian jam di dalapm Koraja'an Sitatn. Aman Rajo Sitatn monundukng boko roh jahatnyo, rotinyo korajaan-nyo tobagi-bagi. Io molawatn dirinyo siku'. Pasti korajaan-nyo kinyo ulih botahatn.

Matius 4:10

Apo Yesus bopandir ko io, “Oi Sitatn, jouhancam diri kolai doi' Aku! Obai, ado pomandiran Allah inyo ditulis dalapm Buku Suci, Sombahcam Tuhatn Allah kolai. Layati Sio ja'am.”

Matius 4:24

Borito mongona'i Sio tosebar doi' doerah Galilea sampai ko somuo doerah Siria. Jadi banya' urakng datakng ko Sio. Sia' mombaba' boko urakng inyo boponyakit huatan kosusahan. Ado inyo korasu'an boko roh jahat. Ado inyo gogilo babi. Ado inyo lumpuh. Yesus monyamani sia'.

Lukas 11:15

Apo ado di antaro sia' inyo bopandir, “Sio monundukng roh jahat momakai kuaso Rajo Sitatn!”