Lukas 11:16 - Porjanjian Boharu Torjomahan Baso Dilakng Soari-ari

¹⁶ Apo ado jam boko urakng bukai inyo honda' moncubo'i Yesus. Sia' minto Yesus bulah mujisatpakai' mombutian kuaso-Nyo doi' Allah, bukainyo doi' Rajo Sitatn.

Lukas 11:16 ပူးပေါင်းရင်းမြစ်များ

Lukas 11:29

Watu boko urakng mongkitn banya' datakng ko tompat Yesus mongajar, Sio bopandir, “Kotakng jahat bondar boko urakng joman ni'in. Sia' monuntut Aku oca' bulah koajaiban inyo mombutian Allah moutus Aku. Apo sobuti' mo buti inyo paca'an Ku onju' ko sia', ia'an koajaiban Nabi Yunus.

Yohanes 6:30

Kato sia' ko Sio, “Tando mujisat la'apo inyo paca'an Duatn pulah oca' koi ulih moniant lalu pocayo ko Duatn? Aman angki-bayatn kito, sia' ulih bopua' manna di padakng pasir. Samo sama'an inyo udah totulis di Buku Suci, ‘Sia' dionji'i-Nyo pomakatn roti doi' sorugo.’ Jadi, tando mujisat la'apo inyo paca'an Duatn korojoan?”

Yohanes 8:6

(Sia' botakutn ubo nantai pakai' moncubo'i Sio oca' sia' ulih monyalahan Sio socaro hukupm.) Apo Yesus mombungku'an bukakng-tubuh Sio, lalu monulis agatn jari-Nyo di tanah.

1 Korintus 1:22

Banya' urakng Yahudi bayo honda' moniant mujisat. Banya' urakng Yunani bayo bogoyap kopintar-corodi'an monsio.