Lukas 11:10 - Porjanjian Boharu Torjomahan Baso Dilakng Soari-ari

¹⁰ Obai sotiap urakng inyo mominto paca'an monorima'; sotiap urakng inyo bogoyap tajahan bodapat; huatan lawakng tajahan dibuka'an pakai' sotiap urakng inyo mongetok.”

Lukas 11:10 ပူးပေါင်းရင်းမြစ်များ

Yakobus 4:3

Huatan biar kaitn udah momintonyo ko Allah, kaitn totap co mondapatnyo. Obai tujuan kaitn momintonyo salah. La'apo inyo kaitn minto, nantai bayo pakai' momuasan kohonda' diri kaitn siku'.

Yakobus 5:11

Porotian bo ni'in: Boko urakng inyo totap kuat mohadapi pondorita'an, sia' nam inyo kito anggap bobondar sonang. Ingantcam mongona'i Ayub. Sio botahatn mohadapi pondorita'an. Ahirnyo, Tuhatn momborokati Ayub. Jadi, kito tohu obai Tuhatn boi' hati huatan monunju'an kasih-Nyo ko kito.

Lukas 18:1

Yesus momakai poumpamoan ni'in pakai' mongajar boko murid-Nyo oca' hala bodoa huatan co putus asa, obai doanyo tajahan dikabulan.

Matius 5:42

Aman ado urakng inyo mominto sosuatu ko kaitn, onju' jam! Damo aman ado urakng inyo honda' mominjapm sosuatu doi' kaitn, jangan monula'nyo.”

Matius 7:8

Obai sotiap urakng inyo mominto paca'an monorima'; sotiap urakng inyo bogoyap paca'an mondapat; huatan lawakng paca'an dibuka'an pakai' sotiap urakng inyo mongetok.

Lukas 11:9

“Porotiancam, ubo nian jam halnyo agatn doa. Mintocam, kaitn paca'an dionji'i. Goyapcam, kaitn paca'an bodapat. Ketokcam, kaitn paca'an dibuka'an lawakng.

Lukas 11:11

Lalu Yesus moumpamoan doa agatn contoh bukai. “Misalnyo ado siku' urakng Bopai di antaro kaitn ana'nyo minto ikatn pakai' dipua'i. Pasti bopainyo kinyo moonji'i ular biso ko io!