Lukas 10:7 - Porjanjian Boharu Torjomahan Baso Dilakng Soari-ari

⁷ Sopo aja' inyo monorima' kaitn dalapm rumah, bodiapm di santai ja'am sampai kaitn botula' doi' tompat nantai. Jangan bopindah-pindah doi' rumah ko rumah. Samo sama'an siku' urakng inyo bokorojo bohak monorima' upah, kaitn pan bohak monorima' tanggaian doi' boko urakng watu kaitn momboritoan mongonaꞌi Koraja'an Allah. Apo pua'i ja'am la'apo inyo sia' onju' ko kaitn.

Lukas 10:7 ပူးပေါင်းရင်းမြစ်များ

Markus 6:10

Sio pan bopandir ko sia', “Timpu kaitn mansu' ko rumah urakng, noluntukng ja'am di siatan sampai kaitn moninggalan kota nantai.

Lukas 10:6

Aman urakng umputn rumah honda' monorima' sonang-asau nantai, Allah bondar-bondar tajahan bulah koluarga nantai sonang-asau. Apo, aman urakng umputn rumah co monorima'nyo, sonang-asau nantai paca'an bobali' ko kaitn.

Lukas 9:4

Sopo ja' inyo monorima' kaitn dalapm rumahnyo, bodiapmcam di santai sampai kaitn botula' doi' tompat nian.

Kisah Boko Rasul 16:15

Io huatan somuo urakng inyo bodiapm di rumahnyo dibaptis. Ongko, Lidia mohundakng koi ko rumahnyo. Katonyo, “Aman kaitn moanggap obai aku bondar-bondar pocayo ko Tuhatn Yesus, huncapm bujakng ko rumah aku.” Obai io monyosahan, jadi koi monorima' tawarannyo nantai.

Kisah Boko Rasul 16:40

Lopas nantai, Paulus ongko Silas botula' doi' ponjara ko rumah Lidia. Sia' bokumpul agatn boko somadikan di kota nantai. Paulus ongko Silas monosihat'i sia' oca' totap pocayo ko Yesus. Lopas nantai, sia' botula' doi' kota nantai.

Galatia 6:6

Urakng inyo monorima' ajaran doi' Allah gola' monulukng kohidupan urakng inyo mongajarnyo.

1 Timotius 5:13

Solaitn nantai, boko botina' balu inyo ija' muda' biasonyo monjadi losa' bogota'-bokorojo. Sia' mombuakng-buakng watu koluar mansu' rumah boko urakng. Apotolagi', sia' gala' bocacai tumbukng. Sia' gala' sonjumpat'an urusan urakng bukai. Sia' bopandir boko hal sama'an nantai soharusnyo inyo kinyo boi' pakai' di kisahan.

2 Timotius 2:6

Ado contoh inyo bukai agi'. Aman siku' urakng potani bokorojo koras, io paca'an monjadi urakng inyo potamo mooso'i hasil doi' pokoroja'annyo.