Lukas 10:6 - Porjanjian Boharu Torjomahan Baso Dilakng Soari-ari

⁶ Aman urakng umputn rumah honda' monorima' sonang-asau nantai, Allah bondar-bondar tajahan bulah koluarga nantai sonang-asau. Apo, aman urakng umputn rumah co monorima'nyo, sonang-asau nantai paca'an bobali' ko kaitn.

Lukas 10:6 ပူးပေါင်းရင်းမြစ်များ

Lukas 10:5

Sobolupm kaitn momansu'i boko rumah, borokaticam doholu boko urakng inyo bodiapm di rumah nantai. Pandiran, ‘Kironyo Allah moonji'i sonang-asau dalapm hati, ko somuo koluarga ni'in.’

Lukas 10:7

Sopo aja' inyo monorima' kaitn dalapm rumah, bodiapm di santai ja'am sampai kaitn botula' doi' tompat nantai. Jangan bopindah-pindah doi' rumah ko rumah. Samo sama'an siku' urakng inyo bokorojo bohak monorima' upah, kaitn pan bohak monorima' tanggaian doi' boko urakng watu kaitn momboritoan mongonaꞌi Koraja'an Allah. Apo pua'i ja'am la'apo inyo sia' onju' ko kaitn.

Efesus 5:6

Jangan totipu aman ado urakng inyo monyampaian ajaran inyo bukainyo doi' nantai. Pomandirannyo kinyo bondar. Obai, pastiam Allah paca'an mohukupm boko urakng inyo molabuhan somuo macapm porbuatan jahat nantai, ia'an boko urakng inyo kinyo taat ko Sio.

2 Tesalonika 3:16

Ni'inan koi bodoa ko Tuhatn Yesus inyo moonji'i kito sonang-asau. Koi bodoa oca' dalapm somuo hal Sio hala moonji'i kaitn sonang-asau. Koi bodoa oca' Sio pan hala monyoroto'i kaitn somuo.

Yakobus 3:18

Boko urakng inyo mombaba' damai paca'an bulah urakng bukai damai jam. Jadi ado hasil inyo boi', ia'an lobih banya' urakng hidup bondar di hadapan Allah.

1 Petrus 1:14

Kaitn gola' hidup monaati Allah. Jangan monuruti kohonda' kaitn siku', samo sama'an inyo kaitn labuhan sobolupm kaitn mongonal Tuhatn.