Lukas 10:42 - Porjanjian Boharu Torjomahan Baso Dilakng Soari-ari

⁴² Apo bayo sobuti' mo inyo bondar-bondar pontikng. Somadikan kolai udah momilih hal inyo toboi' nantai, mondingaꞌan boko ajaran-Ku. Hal nantai kinyo paca'an dikuti' doi' io.”

Lukas 10:42 ပူးပေါင်းရင်းမြစ်များ

Markus 8:36

Soandainyo ado urakng inyo ulih mondapat'an somuo la'apo pan di dunia ni'in, apo kosihnyo siku' hilakng. Sobondarnyo kinyo ado gunonyo.

Lukas 10:39

Marta ado somadikan botina'nyo bodamo Maria. Maria hala dudu' dampikng Yesus mondingaꞌan boko ajaran-Nyo.

Lukas 11:1

Pas ari nantai, Yesus bodoa di sobuah tompat. Watu Sio jadi bodoa, boko murid-Nyo bopandir agatn Sio, “Tuhatn, padahibo koi bodoa, samo agatn Yohanes mongajar boko muridnyo bodoa.”

Lukas 12:20

Apo Allah bopandir ko urakng dampu nantai, ‘Budu bondar kolai ni'in! Malapm ni'in jam kolai paca'an mati. Sampai, somuo kongkamant inyo kolai kumpulan pakai' diri kolai siku', kinyo pakai' kolai, apo urakng bukai inyo paca'an mondapat'an somuonyo.’ ”

Lukas 12:33

Jadi, jualcam umputn kaitn. Ongko onju'cam duitnyo ko boko urakng jaro. Aman kaitn molabuhan hal nantai, samo sama'an kaitn bulah somacapm dompet di sorugo pakai' diri kaitn. Dompet nantai co rusa' somanah-manahnyo. Kodampuan di sorugo nantai, kinyo paca'an habis. Conyiant pongolit inyo ulih mongolitnyo. Conyiant gogat inyo ulih morusa'annyo.

Lukas 16:2

Jadi urakng dampu nantai moningkau bendahara nantai. Katonyo, ‘Aku udah mondinga' borito inyo jahat mongona'i pokoroja'an kolai! Kolai paca'an ku tongga'an ongko kolai gola' moonji'i laporan ahir mongonaꞌi kodampuanku inyo kolai urus.’

Lukas 16:25

Apo Abrahapm bopandir, ‘Ana'ku, ingant watu di dunia, kolai monorima' hidup inyo boonsu'an apo Lazarus monorima' hidup inyo ajab sonsaro. Ni'in, io sonang apo kolai ajab sonsaro.

Lukas 18:22

Mondingaꞌ nantai, Yesus bopandir ko io, “Ongkah ado sobuti' agi' inyo kurakng bolupm kolai labuhan. Pulakngcam, jual somuo umputn kolai. Ongko pombagi-bagian duitnyo ko boko urakng jaro. Aman dipulah samaꞌan nian, kolai tajahan bodapat kodampuan di sorugo. Lopas jadi kolai molabuhan somuo nantai, datakng jam agi' ko Aku, pakai' jadi murid-Ku.”

Lukas 8:18

Jadi porotian boboi' caro kaitn monorima' somuo pomandiran-Ku. Obai urakng inyo udah ado, paca'an dionji'i lobih banyaꞌ agi'; apo urakng inyo conyiant, la'apo pan inyo dianggap umputnnyo tajahan dikuti'.”

Yohanes 11:1

Ado siku' urakng inyo boponyakit. Damonyo Lazarus. Io diapm di desa Betania bosamo agatn koduo somadikannyo Maria agatn Marta.

Yohanes 11:19

Jadi, banya' urakng Yahudi udah datakng ko Marta huatan Maria pakai' mohibur sia' obai somadikan sia' mati.

Yohanes 12:3

Lalu Maria mombaba' sotongah liter minya' harupm inyo murni. Minya' nantai kotakng mahal apo io monuyungnyo ko kaki Yesus lalu momalit'i inyo agatn rambutnyo. Soluruh rumah nantai monjadi harupm obai minya' harupm nantai.

Yohanes 17:3

Ninam hidup inyo kokal, ia'an obai sia' mongonal ongkah Duatam Allah inyo bondar, huatan pan obai sia' mongonal Yesus Kristus inyo udah Duatn utus.

Yohanes 4:14

Apo sotiap urakng inyo minum ara'i inyo Aku onju' ko io, io co paca'an korahakan agi' somanah-manahnyo. Obai, ara'i inyo paca'an Aku onju' ko io paca'an monjadi ubo mato ara'i di dalapm dirinyo. Ara'i nantai paca'an torus-norus mongalir huatan moonji'inyo hidup somanah-manahnyo.”

Yohanes 5:24

Pondinga'ancam bobondar inyo Ku pandiran ni'in: Somuo urakng inyo monuruti pomandiran-Ku huatan pocayo ko Allah inyo moutus Aku, sia' co dihukupm apo mondapat'an hidup somanah-manahnyo. Obai, sia' udah pindah doi' komatian somanah-manahnyo huatan mansu' ko dalapm kohidupan inyo bondar huatan somanah-manahnyo.

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

1 Korintus 13:3

Soandainyo aku mombagi-bagian somuo kodampuan umputnku, apotolagi' aku rela monyorahan bukakng-tubuhku pakai' ditunu'i dalapm api, apo aku kinyo mongasihi urakng bukai, aku samo sokali co boguno.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.