Lukas 10:41 - Porjanjian Boharu Torjomahan Baso Dilakng Soari-ari

⁴¹ Apo Tuhatn Yesus monimbasnyo, “Marta, Marta, kolai kuatir ongko monyusahan diri agatn banyaꞌ hal.

Lukas 10:41 ပူးပေါင်းရင်းမြစ်များ

Markus 4:19

Apo koponsuahannyo, sia' kuatir mongona'i kohidupan di dunia ni'in. Sia' ditipu obai kodampuan ongko boko kohonda' inyo bukai lobih pontikng pakai' sia'. Jadi somuo nantai mongganggu' Pomandiran Allah sampai kinyo bobuah ia'an sia' co hidup sosuai agatn Pomandiran Allah.

Lukas 10:38

Lopas nian Yesus ongko boko murid-Nyo monorusan pojalatan ko kota Yerusalem. Sia' datakng di sobuah laman. Di santai ado siku' urakng botina' bodamoan Marta. Io monorima' Yesus ko dalapm rumahnyo.

Lukas 10:40

Apo Marta kotakng repot obai tolalu banyaꞌ inyo io korojoan pakai' molayati boko tamu' nantai. Ongko, io mohampiki Yesus, kapikng botuta', “Tuhatn, somadikanku nian mombiaran aku bokorojo molayati siku'ku mo. Ubonyo Duatn co tonturian. Siuhbo io nian monulukng aku!”

Lukas 12:22

Lopasnyo, Yesus bopandir ko boko murid-Nyo, “Obai kodampuan di dunia ni'in kinyo monjamin soluruh kohidupan kaitn, jadi jangan kuatir mongonaꞌi pomakatn pakai' hidup kaitn. Jangan kuatir mongonaꞌi banggi-pakaian pakai' bukakng-tubuh kaitn.

Lukas 21:34

“Jagocam diri kaitn. Jangan sampai ado boko hal di dunia ni'in inyo moncaci' pikiran kaitn, ubo mabu', porbuatan jahat inyo dilabuhan aman udah komabu'an, boko mosalah kohidupan ni'in. Aman pikiran kaitn samaꞌan nian, nononyo kaitn co siap timpu ari nantai datakng. Obai ari nantai tajahan datakng pakai' somuo urakng, conyiant inyo tohu, samo samaꞌan joyat ntobukan mongujut bonatakng.

Lukas 8:14

Bonih inyo jatu' di tongah rado duri samo sama'an boko urakng inyo mondingaꞌ pomandiran Allah, apo manah komanahannyo, sia' mula'i hala momikiran bogoyap kodampuan huatan kosonangan di dunia ni'in. Somuo hal nantai mongopih sia' sampai kinyo hidup sosuai agatn pomandiran Allah. Samo sama'an tontanaman dikopihan rado duri sampai kinyo mohasilan buah inyo mansa'.

Yohanes 11:1

Ado siku' urakng inyo boponyakit. Damonyo Lazarus. Io diapm di desa Betania bosamo agatn koduo somadikannyo Maria agatn Marta.

Yohanes 11:5

Yesus memang mongasihi kotigo somadikan nantai; Marta, Maria huatan Lazarus.

Yohanes 12:2

Di santai ado acara makatn bosamo pakai' mohormati Yesus. Marta pan jumpat molayati boko urakng di santai. Lazarus ado di antaro boko urakng inyo dudu' makatn bosamo agatn Yesus.

Filipi 4:6

Jangan gola' mongona'i lapo pan, apo bodoacam mongona'i la'apo pan. Agatn oso sukur, padahan cam ko Allah lapo inyo honda' kaitn pinto.