Lukas 10:40 - Porjanjian Boharu Torjomahan Baso Dilakng Soari-ari

⁴⁰ Apo Marta kotakng repot obai tolalu banyaꞌ inyo io korojoan pakai' molayati boko tamu' nantai. Ongko, io mohampiki Yesus, kapikng botuta', “Tuhatn, somadikanku nian mombiaran aku bokorojo molayati siku'ku mo. Ubonyo Duatn co tonturian. Siuhbo io nian monulukng aku!”

Lukas 10:40 ပူးပေါင်းရင်းမြစ်များ

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Lukas 12:29

Jangan bulah tujuan kohidupan kaitn bayo momikiran mongonaꞌi makatn-minum. Jangan kuatir hal nantai.

Matius 16:22

Apo Petrus monari' Yesus ko sopia' lalu monikaki Sio. Kato Petrus, “Jangan, Tuhatn! Co mungkitn Allah mombiaran Duatn ajab sonsaro sama'an nantai!”

Matius 14:15

Watu ari mula'i malapm, boko murid Yesus mondataki Sio. Kato sia', “Ari mula'i malapm ongko tompat ni'in langunt. Jadi, siuh boko urakng ni'in botula' oca' sia' ulih momboli pomakatn di boko laman inyo dampikng si'itn.”

Lukas 9:55

Apo Yesus mongilikng, monogur sia' obai pikiran ubo nantai kinyo bondar.

Markus 3:21

Boko urakng bopandir, “Sio gogilo am!” Pas koluarga-Nyo mondinga' nantai, sia' botula' pakai' momocaki Sio.

Lukas 10:38

Lopas nian Yesus ongko boko murid-Nyo monorusan pojalatan ko kota Yerusalem. Sia' datakng di sobuah laman. Di santai ado siku' urakng botina' bodamoan Marta. Io monorima' Yesus ko dalapm rumahnyo.

Lukas 10:41

Apo Tuhatn Yesus monimbasnyo, “Marta, Marta, kolai kuatir ongko monyusahan diri agatn banyaꞌ hal.

Yohanes 11:1

Ado siku' urakng inyo boponyakit. Damonyo Lazarus. Io diapm di desa Betania bosamo agatn koduo somadikannyo Maria agatn Marta.

Yohanes 11:5

Yesus memang mongasihi kotigo somadikan nantai; Marta, Maria huatan Lazarus.

Yohanes 12:2

Di santai ado acara makatn bosamo pakai' mohormati Yesus. Marta pan jumpat molayati boko urakng di santai. Lazarus ado di antaro boko urakng inyo dudu' makatn bosamo agatn Yesus.