Lukas 10:37 - Porjanjian Boharu Torjomahan Baso Dilakng Soari-ari

³⁷ Timbas Guru Agama Yahudi nantai, “Urakng inyo udah monulukng urakng nantai.” “Nah,” kato Yesus, “Dalapm kohidupan kolai pan pulah ubo nantai jam!”

Lukas 10:37 ပူးပေါင်းရင်းမြစ်များ

Matius 20:28

Kaitn gola' tuyut toladatn Ana' Monsio. Sio datakng ko dunia ni'in bukainyo pakai' dilayati boko urakng, apo pakai' molayati boko urakng bukai. Sio paca'an monyorahan diri sampai mati. Agatn caro nantai, Sio monobus dosa urakng banya'.”

Matius 23:23

Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' ja'. Kaitn moonju' ko Allah populuhan doi' hasil somuo tontanaman sampai inyo tokocit pan sama'an boko rorompahan solasih, adas manis, ongko jintatn. Apo kaitn co monaati boko porintah Allah dalapm Hukupm Torat inyo lobih pontikng. Ia'an nantai, koadilan, bolas kasihan huatan kosotiaan. Kaitn pontikng moonju' populuhan. Apo jangan sampai tongkolupatn monaati boko porintah inyo pontikng nantai jam!

Lukas 10:36

Lopas nian Yesus monjadi'i poumpamoan nantai ongko botakutan ni'in, “Monurut pondapat kolai, doi' kotigo urakng nantai mono inyo udah botindak sobagai sosamo doi' urakng inyo dirampok nantai?”

Lukas 10:38

Lopas nian Yesus ongko boko murid-Nyo monorusan pojalatan ko kota Yerusalem. Sia' datakng di sobuah laman. Di santai ado siku' urakng botina' bodamoan Marta. Io monorima' Yesus ko dalapm rumahnyo.

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

1 Petrus 2:21

Obai, Allah momilih kaitn pakai' nantai. Kristus siku' moonji'i contoh oca' kaitn moniru porbuatan-Nyo. Ia'an, Sio udah totap kuat mondorita' pakai' kaitn.

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.